दमकमा शुक्रबारदेखि गोर्खाली सेकुवा कर्नर सञ्चालनमा आएको छ । युवा व्यवसायी उदयप्रकाश राई र निर्मला लिम्बूले संयुक्त लगानीमा दमक–६ मा गोर्खाली सेकुवा कर्नर सञ्चालनमा ल्याएका हुन् ।
शुक्रबार, दमक–६ सूर्योदय स्कुलको प्रवेद्ध गर्ने सडकमा अवस्थित गोर्खाली सेकुवा कर्नरको उद्घाटन दमक उद्योग बाणिज्य संघका अध्यक्ष गोपाल गुरागाईले गरेका छन् ।
सेकुवा कर्नरको उद्घाटन गर्नुहँदै दमक उद्योग बाणिज्य संघका अध्यक्ष गुरागाईले दमकमा होटल व्यवसायतर्फ आर्कषक बढ्दो अवस्थामा रहेको बताए ।
अध्यक्ष गुरागाईले खाजा, खाना र अरु खानपानका स्वाद दमकका होटलहरुमा प्रशस्तै पाइन्ने तर खानपानमा मौलिकता र साँस्कृतिक पहिचानका स्वादलाई व्यवसायमा जोड्न नसकेको बताए । गुरागाईले स्थानीय जाती र समुदायले बनाउँदै आएका मौलिक र साँस्कृतिक खानपानका स्वादलाई व्यवसायमा रापन्तरण गर्न जोड दिए ।
गोर्खाली सेकुवा कर्नरमा लोकल कालो सुङ्गुरको मासुलाई भट्टि चोल्होमा तयार गरिने र ढुंङ्गामा समेत सेकुवा बनाइने स१चालक राईले जानकारी दिए । त्यस्तैं, सो सेकुवा कर्नरमा किरात राई जातीको साँस्कृतिक खाना वाछिप्पा (कुखुँराको तिते) समेत उपलब्ध हुने सञ्चालक राईले बताए ।
सो सेकुवा कर्नरमा पेय पदार्थतर्फ लोकल तोङ्बा, सिकुटी, पोलेको माछाहरु उपलब्ध हुनेछ । त्यहाँ, विभिन्न स्वादका हुक्का, पेय पदार्थहरु पाइन्नेछ । त्यसैगरी, सेकुवा कर्नरमा खाजातर्फ थुप्पा, चाउमिन, मोःमो पाइन्ने सञ्चालक राईले बताए ।
कमल गाउँपालिका वडा नम्बर १ बाँसबारी निवासी सेकुवा कर्नर सञ्चालक रार्इंले बैदेशिक रोजगारीलाई त्यागेर म आफ्नै देशमा दुख्ख गर्छु भनेर व्यवसायमा जोडिएको बताए ।
सेकुवा कर्नर उद्घाटन कार्यक्रममा दमक उद्योग बाणिज्य संघका प्रथम उपाध्यक्ष रुवल अधिकारी, प्रेष क्लल दमकका सचिव सुजन गौतम लगायतको उपस्थिति रहेको थियो ।
दमक । दमकस्थित तेजस् डेन्टल क्लिनिक र ब्रिज इन्टरनेसनल दमक एजुकेसनल कन्सल्टेन्सीबीच विद्यार्थीलाई दन्त उपचार सेवामा सहुलियत प्रदान गर्ने उद्देश्यले समझदारीपत्रमा हस्ताक्षर भएको छ। सम्झौताअनुसार ब्रिज इन्टरनेसनल दमकमा अध्ययन तथा परामर्श सेवा लिइरहेका सम्पूर्ण विद्यार्थीले तेजस् डेन्टल क्लिनिकबाट उपलब्ध हुने दन्त उपचार सेवामा २० प्रतिशत छुट प्राप्त गर्नेछन्।क्लिनिकका अनुसार यो सुविधा सम्झौता लागू भएको मितिदेखि एक वर्षसम्म कायम रहनेछ। छुट सुविधा लिन विद्यार्थीले ब्रिज इन्टरनेसनल दमकले उपलब्ध गराएको परिचयपत्र वा आधिकारिक सिफारिसपत्र प्रस्तुत गर्नुपर्नेछ।
विद्यार्थीलाई गुणस्तरीय दन्त उपचार सेवा सहुलियतपूर्ण मूल्यमा उपलब्ध गराउने उद्देश्यले दुई संस्थाबीच सहकार्य गरिएको तेजस् डेन्टल क्लिनिकले जनाएको छ। सम्झौताबाट विद्यार्थीमा नियमित दन्त परीक्षण गर्ने बानीको विकास हुनुका साथै दाँत तथा मुखसम्बन्धी समस्या समयमै पहिचान र उपचार गर्न सहयोग पुग्ने अपेक्षा गरिएको छ। तेजस् डेन्टल क्लिनिकले विद्यार्थीलाई स्वस्थ मुस्कान, गुणस्तरीय उपचार र विशेष छुटको अवसरबाट लाभ लिन आग्रह गरेको छ।
