दमक – सुजन गाैतम / झापाको दमकमा बिहीबारदेखि सुरु भएको कोशी प्रदेश जिल्ला स्तरीय प्रथम भेट्रान च्यालेन्ज कप–२०८३ को चौथो दिनको पाेहिले सेमिफाईनल खेलमा चन्द्रगढी भेट्रान र बिर्तामोड भेट्रान बीच भिडन्त भएको थियो । प्रतियोगिताको पाँचौं दिनकाे खेलमा निर्णायक पेनाल्टी गर्दै बिर्तामोड भेट्रानले चन्द्रगढी भेट्रान लाई १-० गोल अन्तरले पराजित गरेको छ ।
दमक–२ स्थित बेलडाँगी खेलमैदानमा जारी कोशी प्रदेश जिल्लास्तरीय प्रथम भेट्रान च्यालेन्ज कप–२०८३ अन्तर्गत भएको खेलमा बिर्तामोड भेट्रान फाइनलमा प्रवेश गरेको छ। खेलको निर्धारित समयको पहिलो हाफमा दुवै टोलीले गोल गर्न सकेनन्। दोस्रो हाफमा चन्द्रगढी भेट्रानका जर्सी नम्बर ५ का खेलाडीले पहेँलो कार्ड पाए पनि निर्धारित समयसम्म कुनै पनि टोलीले गोल गर्न सकेन। त्यसपछि खेलको निर्णय पेनाल्टी सुटआउटबाट गरिएको थियो। पेनाल्टीमा दुवै टोलीले २–२ गोल गरेपछि खेल बराबरी भएको थियो। निर्णायक पेनाल्टीमा बिर्तामोड भेट्रानले १–० को जित निकाल्दै प्रतियोगिताको फाइनलमा स्थान सुरक्षित गरेको हो।
त्यसैगरी सोही दिनको दोस्रो खेलमा दमक भेट्रान (रातो) र काकडभिट्टा भेट्रान बीच प्रतिस्पर्धा भएको थियो । प्रतियोगिताको दोस्रो खेलमा दमक रातो भेट्रानले काकडभिट्टा भेट्रान लाई निर्णायक पेनाल्टीमा बाट १-० गोल अन्तरले पराजित गरेको छ ।
खेलको निर्धारित समयको पहिलो हाफमा दुवै टोलीले गोल गर्न सकेनन्। हाफ टाइमपछि दमक भेट्रान (रातो) का जर्सी नम्बर ८ का खेलाडीले पहेँलो कार्ड पाए। हाफ टाइमपछि पनि दुवै टोलीबाट कुनै गोल हुन नसकेपछि खेल पेनाल्टी सुटआउटमा पुगेको थियो।
पेनाल्टीमा दुवै टोलीले ३–३ गोल गरेपछि खेल बराबरी भएको थियो। निर्णायक पेनाल्टीमा दमक भेट्रान रातोले १–० को जित निकाल्दै प्रतियोगिताको फाइनलमा स्थान सुरक्षित गरेको हो। यो खेलसँगै बिर्तामोड भेट्रान र दमक (रातो)भेट्रान प्रतियोगिताको फाइनलमा प्रवेश गरेको छ।
२१ गते बुधबार हुने फाइनलकाे खेल बिर्तामोड भेट्रान र दमक रातो भेट्रान बीच प्रतिस्पर्धा हुने छ । प्रतियोगिताको विजेताले नगद १ लाख १ हजार रुपैयाँ तथा उपविजेताले ५१ हजार रुपैयाँ पुरस्कार प्राप्त गर्नेछन्। विजेताले प्राप्त गर्ने १ लाख रुपैयाँ पुरस्कार दमकस्थित माया क्याफेले सौजन्यस्वरूप सहयोग गरेको आयोजकले जनाएको छ। दमक भेट्रान फुटबल क्लबका अध्यक्ष गजेन्द्र देवानको अध्यक्षतामा प्रतियोगिता सञ्चालन भइरहेको छ।
दमक – झापाको दमक नगरपालिका–६ स्थित एचके फर्निचर एन्ड फिनिसिङले दसैँ, तिहार तथा छठ पर्वलाई लक्षित गर्दै आकर्षक उपहार योजना सार्वजनिक गरेको छ।
आइतबारदेखि सुरु गरिएको उपहार योजनाअन्तर्गत प्रथम हुने ग्राहकका लागि एसी, दोस्रो हुनेलाई वासिङ मेसिन र तेस्रो हुने ग्राहकलाई फ्रिज पुरस्कारको व्यवस्था गरिएको छ।
एचके फर्निचर एन्ड फिनिसिङका सञ्चालक हरि पौडेलका अनुसार रु. १० हजारभन्दा माथिको फर्निचर तथा अन्य सामान खरिद गर्ने प्रत्येक ग्राहकले उपहार पाउनेछन्। साथै, चिट्ठामार्फत छनोट हुने विजेतालाई पुरस्कार मंसिर ९ गते वितरण गरिने सञ्चालक पौडेलले जानकारी दिएका छन्।
एचके फर्निचर एन्ड फिनिसिङमा फर्निचरसँग सम्बन्धित सम्पूर्ण सामग्री उपलब्ध हुनुका साथै होलसेल तथा खुद्रा मूल्यमा बिक्री–वितरण हुँदै आएको सञ्चालक पौडेलले जानकारी दिएका छन्।
दमक – झापाको दमक नगरपालिका–१ स्थित लिटल स्कलर मोन्टेसोरीमा तेजस् डेन्टल क्लिनिकले एकदिने दन्त स्वास्थ्य शिविर सम्पन्न गरेको छ।
शिविरमा विद्यालयका विद्यार्थी तथा अभिभावक गरी करिब १५० जनाले दाँत तथा मुखसम्बन्धी स्वास्थ्य परीक्षण र परामर्श सेवा लिएका छन्। डा. श्रद्धा दंगालसहितको चिकित्सकीय टोलीले सहभागीहरूको दन्त परीक्षण गर्दै आवश्यक स्वास्थ्य परामर्श प्रदान गरेको थियो।
तेजस् डेन्टल क्लिनिकका सञ्चालक कमल गैरेका अनुसार शिविरमा सहभागी विद्यार्थी तथा अभिभावकलाई क्लिनिकबाट उपलब्ध हुने उपचार सेवामा ३० प्रतिशतसम्म छुटको व्यवस्था गरिएको छ।
विद्यालयका प्रिन्सिपलले विद्यार्थीको दाँत तथा मुखको स्वास्थ्यप्रति सचेतना बढाउने उद्देश्यले शिविर आयोजना गरिएको बताउनुभयो।
दमकको बेलडाँगी रोडस्थित केडी कम्प्लेक्समा रहेको तेजस् डेन्टल क्लिनिकले दाँत भर्ने, दाँत निकाल्ने, आरसीटी (रुट क्यानल उपचार) तथा बालबालिकाको दन्त उपचारलगायतका सेवा प्रदान गर्दै आएको जनाएको छ।
