Blog

झापा, दमक — नेपाल कम्युनिस्ट पार्टी (एमाले) दमक नगर कमिटीको आयोजनामा पुष्पलाल श्रेष्ठको ४७औँ स्मृति दिवसको अवसरमा वृक्षारोपण कार्यक्रम सम्पन्न गरिएको छ। दमक–२ स्थित हंसे दुम्से सामुदायिक वन बाटिकाको उत्तरपट्टि आयोजित कार्यक्रममा ३५० वटा फलफुलका बिरुवाहरू रोपिएको थियो ।

वन क्षेत्रभित्र विगतमा काटिएका रूखका कारण खाली बनेको स्थानलाई हरियाली बनाउन वृक्षारोपण कार्यक्रम गरिएको र वन खाली नराख्ने र फलफुल उत्पादनको माध्यमबाट वातावरण संरक्षणमा योगदान पुर्‍याउने उद्देश्य रहेको नेकपा एमाले दमकनगर कमिटी अध्यक्ष राम पौडेलले बताउनुभयो।बर्ष अगाडि राेपेका हस्से दुस्से बन क्षेत्रमा बिरुवा हरु अहिले रुखमा परिणत भएको उदाहरण प्रतक्क्ष हेर्न सकिने पनि उहाँले बताउनुभयो ।

वृक्षारोपण कार्यक्रममा नेकपा एमालेका कोशी प्रदेश सचिवालय सदस्य तथा माननीय होम बहादुर थापा, कोशी प्रदेश सदस्य अम्बिका खनाल, दमक नगरपालिका वडा नम्बर ८ का वडाध्यक्ष दिपेश दाहाल , दमक नगरपालिका वडा नम्बर ९ का वडाध्यक्ष कुबेर भट्टराई , राष्ट्रिय युवा सङ्घ दमक नगर कमिटी अध्यक्ष छवि खतिवडा, नेकपा एमाले दमक नगर कमिटीका पदाधिकारी तथा स्थानीयवासीहरूको उल्लेखनीय उपस्थिति रहेको थियो । कार्यक्रम नेकपा एमाले दमक नगर कमिटीका अध्यक्ष राम पौडेलको अध्यक्षतामा सम्पन्न भएको हो।

दमक, झापा – सामाजिक सेवा र मानवियताका लागि युवाहरुको सक्रियतामा डायनामिक पब्लिक लाइब्रेरी ( डिपीएल ) दमक शाखा र लियो क्लब अफ दमक बिग बुद्ध को संयुक्त आयोजनामा शुद्ध जल तथा फलफूल वितरण कार्यक्रम दमक–५ स्थित धनेश्वर मन्दिर परिसरमा सम्पन्न भएको छ।

धार्मिक आस्था र समाजसेवाको भावना समेटिएको यस कार्यक्रमको नेतृत्व अश्विन तिम्सिनाले गरेका थिए भने संयोजन अर्जुन निरौलाले गरेका थिए। कार्यक्रम बिहानैदेखि सुरु भई मन्दिरमा दर्शन गर्न आएका भक्तजनहरूलाई शुद्ध पिउने पानी र ताजा फलफूल वितरण गरिएको थियो।

कार्यक्रममा ( डि पि एल ) नेपालका वरिष्ठ उपाध्यक्ष दिवश खातीवडा, उपाध्यक्ष जीवन सापकोटा, अभिभावक बोर्ड कोषाध्यक्ष सन्दीप (दिपु) चापागाईं, संस्थापक अध्यक्ष विनोद उप्रेती, लियो जिल्ला तर्फबाट अभिषेक भगत, रोटर्याक्ट तर्फबाट विरोध सुवेदी, तथा समाजसेवी पर्वत बस्नेत लगायत विशिष्ट व्यक्तिहरूको उपस्थिति रहेको थियो।

यस्ता कार्यक्रमले सामाजिक उत्तरदायित्वलाई आत्मसात गर्दै युवापुस्तामा सेवा, सहकार्य र नेतृत्वको भावना विकास गर्न उल्लेखनीय योगदान पुर्‍याउने विश्वास लिइएको छ। मन्दिरमा आएका भक्तजनहरुले पनि यस्ता सकारात्मक कार्यको खुलेर प्रशंसा गरेका थिए ।

दमक । कमल गाउँपालिका–२ मा निर्माणाधीन प्रशासनिक भवनको दोस्रो तल्लाको ढलान कार्य आज साझ ९:३० बजे सम्पन्न भएको छ। निर्माण कार्यको गुणस्तर सुनिश्चित गर्न गाउँपालिका अध्यक्ष हुकुम सिँह राई स्वयं प्राविधिक टोलीसहित बारम्बार स्थलगत निरीक्षणमा खटिनु भएको थियो।

अध्यक्ष राईको सक्रिय नेतृत्व, निरन्तर अनुगमन र ठेकदार तथा इन्जिनियरहरूसँग समन्वयकै कारण ढलान कार्यमा देखिएको ढिलाइका बाबजुद पनि गुणस्तरीय काम सम्पन्न भएको हो।

निर्माण कम्पनीका अनुसार, विगतमा मौसम प्रतिकूल भएकाले समयमै ढलान कार्य सुरु गर्न कठिनाइ भएको थियो। तर, पछिल्लो दिन मौसम अनुकूल भएपछि साझपख ढलान कार्य सुरु गरिएको र काम सन्तोषजनक रहेको जानकारी दिइएको छ।

अध्यक्ष राईले भने, “गाउँपालिकाको भौतिक पूर्वाधार सुदृढ बनाएर नागरिकलाई प्रभावकारी सेवा दिन यो भवन निर्माण भइरहेको हो। निर्धारित समयमै कार्य सम्पन्न गर्न कुनै कसर बाँकी राखिने छैन।”

कमल गाउँपालिकावासीलाई सेवा प्रवाहको सुदृढ माध्यमका रूपमा रहेको यो भवन निकट भविष्यमा पूर्णरूपमा सम्पन्न भई संचालनमा आउने अपेक्षा गरिएको छ।

दमक / झापाको कमल गाउँपालिका २ मा रहेको कमल खोलाले बगाएर एक वृद्धको मृत्यु भएको छ ।मृत्यु हुनेमा शिवसताक्षी नगरपालिका- १ बस्ने ८० वर्षीय प्रभाखर पोखरेल रहेका छन् ।

आइतवार दिउँसो अन्दाजी १ बजे कमल खोलाको पुलमुनि खरेलको शव पानीले बगाएर ल्याएको थियो । स्थानीयले खबर गरेपश्चात् पुगेको प्रहरी टोलीले अनुसन्धान तथा कानुनी प्रकृया पूरा गरी शव पोस्टमार्टमको लागि दमक अस्पताल पठाएको छ ।

झापा, दमक — झापाको दमक नगरपालिका–१ स्थित नेपाल कम्प्लेक्समा सञ्चालित पूर्वाञ्चल स्पा थेरापी तथा अर्गानिक फुड सप्लिमेन्ट मार्फत होलिस्टिक हर्ब्स ले स्वास्थ्य र सुखको लागि जडीबुटीयुक्त दैनिक जीवनमा प्रयोग हुने सामाग्रीहरू सेवा दिँदै आएको छ।

वि.सं. २०७३ सालदेखि नियमित सेवा प्रदान गरिरहेको यस संस्थाले रोग प्रतिरोधात्मक शक्ति अभिवृद्धि गर्ने, साइड इफेक्ट रहित प्राकृतिक पोषणपूरक खाद्य पदार्थ र पेय पदार्थको उत्पादन तथा विक्री गर्दै आएको छ।

होलिस्टिक हर्ब्सको प्रमुख दृष्टिकोण “स्वस्थ जीवनशैली, प्राकृतिक उपचार र समृद्ध समाज निर्माण” रहेको संस्थाले जनाएको छ।

संस्थामा यार्सागुम्बा युक्त कर्डिसेप्स पाउडर, एलोभेरा, एञ्जेलिका, ग्रिन कफी विन, ग्रिन टी जस्ता स्वास्थ्यमा उपयोगी सुपरफुड तथा पेय पदार्थ उपलब्ध छन्।

त्यसैगरी पूर्वाञ्चल स्पा थेरापीमार्फत कम्मर, घुँडा, गर्दन दुखाई, बाथ, प्यारालाइसिस, नशा च्यापिएको, तनाव व्यवस्थापन, उच्च रक्तचाप, मधुमेह, ग्याष्ट्रिक, कब्जियत, मोटोपन, पिनास, माइग्रेन लगायतका समस्याको समाधान गरिँदै आएको सञ्चालिका अनु राजवंशीले जानकारी दिनुभयो।

उहाँका अनुसार अस्पतालबाट डाक्टरले विधा दिएका बिरामीहरू, क्यान्सरका बिरामीसमेत यहाँको जडीबुटीजन्य सेवा प्रयोग गरी निको भएका उदाहरणहरू छन्।

स्वास्थ्य परीक्षणका लागि आवश्यक सुविधासमेत उपलब्ध गराइएको यस स्पा तथा हर्ब्स सेन्टरमा आधुनिक प्रविधियुक्त ल्याब सेवा पनि संचालनमा रहेको छ।

सञ्चालिका राजवंशीका अनुसार प्राकृतिक चिकित्सा र आयुर्वेदमा आधारित यस सेवाबाट हालसम्म धेरैले लाभ लिइसकेका छन्। प्राकृतिक जीवनशैलीलाई अंगिकार गर्दै स्वास्थ्यप्रति सचेत बन्न चाहने व्यक्तिका लागि होलिस्टिक हर्ब्स एक उत्कृष्ट गन्तव्य बन्दै गएको छ।

विराटनगर / सुन्दा पनि अचम्म र आङ नै जिरिङ्ग हुने एक घटना घटेको छ । खेल्ने क्रममा अचानक उदयपुरका एक जना १५ बर्षिय बालकले कैंची नै निल्न पुगे पछि उनको पेटबाट त्यो कैंची निकालिएको हो । निज बालकले खेल्ने क्रममा अचानक कैंची निले पछि परिवारजनले घाँटीमा अड्किएको कैंची निकाल्न प्रयास गरे तर कैंची निस्कनुको सट्टा झन भित्र पस्यो । त्यस पछि उनलाई गम्भीर अवस्थामा नोबेल मेडिकल कलेज टिचिङ्ग हस्पिटलको आकस्मिक कक्षमा ल्याएका थिए।

आकस्मिक कक्षमा गरिएको एक्स–रे र सिटी स्क्यानको आधारमा उनको पेटको सानो आन्द्राभित्र कैंची अड्किएको पुष्टि भयो। घटना अत्यन्तै जटिल र संवेदनशील रहे पनि, नोबेल शिक्षण अस्पतालका वरिष्ठ ल्याप्रोस्कोपिक सर्जन डा. अमित भट्टराई र उनको दक्ष सर्जिकल टोलीले ल्याप्रोस्कोपिक प्रविधिको सहायताले सफलतापूर्वक शल्यक्रिया गरी कैंची निकालेका छन्। डा. भट्टराईका अनुसार, “बालकको आन्द्रामा कैंची अड्किएर त्यसले थप जटिलता ल्याउन सक्थ्यो, तर समयमै ल्याप्रोस्कोपिक सर्जरीमार्फत निकाल्न सफल भयौँ। अहिले बिरामीको अवस्था स्थिर छ।”

उक्त दिनको घटना सम्झदै बालकको आफन्तले भने “ढल्किएर टेलिभिजन हेर्दै हातमा रहेको कैंची मुख भित्र हालेर खेलाउदै गर्दा अचानक घाँटी भित्र छिरेको थियो । त्यस पछि उनले आत्तिएर कैंची अडकियो कैंची अडकियो भने पछि हजुरबुबाले निकाल्न खोज्नु भयो तर कैंची अझ भित्र पस्यो । पहिला नजिकैको अस्पतालमा लग्यौं । त्यहाँ एक्सरे गरेर हेरे पछि कैंची अडकिएको देखियो । त्यहाँबाट नै ठूलो अस्पताल लान भन्नु भयो । पहिला पनि धेरै विरामी नोवेलमा निको भएर ल्याएको हुँदा हामीले विरामीलाई नोवेल ल्यायौं ।”

कैंची निस्किए पछि विरामीको परिवारजन ढुक्क भएका छन् । दुई दिनको अस्पताल बसाइपश्चात बालक पूर्ण रूपमा स्वस्थ भई घर फर्किएका छन् ।

यस अघि पनि बेल्टको बक्कल निलेको, ब्रस माझ्ने क्रममा ब्रस निलेको, मासु खाँदा हड्डी अड्किएको धेरै विरामीहरुको उपचार नोवेलमा भई सकेको छ । अत्याधुनिक उपकरण र दक्ष चिकित्सकको व्यवस्था मिलाएको नोवेलले निकै जटिल र दुर्लभ शल्यक्रिया पनि सफलतापुर्वक गर्दै आएको छ ।

साना नानीहरुले खेल्ने क्रममा मालाको दाना, साना खैलौना, चुम्बक, ब्याट्री जस्ता वस्तुहरु निल्ने, कानमा हाल्ने समस्या हुने गरेको हुँदा चिकित्सकहरु त्यस्ता सामानहरु साना नानीहरुलाई खेल्न दिने वा नानीहरुले भेट्ने ठाँउमा राख्न नहुने सल्लाह दिन्छन् । ठूला बालबालिका वा बैयस्कहरुले पनि अखाध्य पदार्थ जिस्केर पनि मुखमा हाल्न हुँदैन किनकी जिस्कदा जिस्कदै निल्न गई घटना जटिल बन्न सक्ने हुन्छ ।

दमक / भियतनाममा खराब मौसमका कारण डुंगा पल्टिँदा ३४ जनाको मृत्यु भएको छ। लोकप्रिय पर्यटकीय स्थल हालोङ्ग खाडीमा डुंगा दुर्घटना ८ जना बेपत्ता छन्। डुंगामा अधिकांश हनोईबाट आएका भियतनामी नागरिक रहेको बताइएको छ।

पर्यटकहरु डुंगा चढेर रमाइरहेका बेला अचानक तुफान आएको थियो। सो तुफानले डुंगा पल्टाइदिएको स्थानीय मिडियाहरुले उल्लेख गरेका छन्। घटनास्थलमा खोज तथा उद्धारको कार्य जारी रहेको स्थानीय प्रशासनले जनाएको छ।

उद्धार अधिकारीहरुले भारी वर्षाका कारण समस्या परिरहेको बताएका छन्। ‘विफा’ नाम दिइएको तुफानले भियतनाममा जनधनको क्षति पुर्‍याएको छ।