साउन २६ कमल, झापा — डीपीएल कमलले पुनः कमल गाउँपालिका–६ मा बुक कर्नर स्थापना गरेको छ। यसअघि पनि संगठनले विभिन्न वडाहरू र पालिकामा यस्ता बुक कर्नर स्थापना गर्दै समुदायको हरेक कुनामा डीपीएलको पहिचान पुर्याउँदै आएको छ। केही समयअघि मात्र डीपीएल कमलले क्षेत्रीय सम्मेलन सम्पन्न गरेको थियो।
बुक कर्नर उद्घाटन समारोहमा प्रमुख अतिथि वडा नम्बर ६ का वडाध्यक्ष नरेन्द्र भट्टराई रहेका थिए। कार्यक्रममा उनले डीपीएलको सामाजिक योगदानको प्रशंसा गर्दै आगामी कार्यक्रमहरूमा निरन्तर साथ रहने प्रतिबद्धता व्यक्त गरे।
विशेष अतिथि डीपीएल नेपालका राष्ट्रिय अध्यक्ष अनु आचार्य भण्डारीले शुभकामना मन्तव्य दिंदै संगठनका गतिविधि र उद्देश्यबारे विस्तृत चर्चा गरे। कार्यक्रममा डीपीएल नेपालका राष्ट्रिय उपाध्यक्ष, राष्ट्रिय महासचिव, वरिष्ठ उपाध्यक्ष, कमल शाखाका पदाधिकारी, वडा अध्यक्ष, जनप्रतिनिधि तथा वडा सदस्यहरूको उपस्थिति रहेको थियो।
डीपीएल कमलका अनुसार बुक कर्नर स्थापना कार्यक्रमले स्थानीय समुदायमा पढ्ने संस्कृतिको विकास र ज्ञान विस्तारमा महत्वपूर्ण योगदान पुर्याउने अपेक्षा गरिएको छ।
Leave a Reply