दमक — स्वरोजगार हलुका सवारी श्रमिक संस्था दमक-झापाले नेपाल प्रहरीको ट्राफिक विभागबाट सेवानिवृत्त हुनुभएका दमक ट्राफिक प्रहरी प्रमुख जनक तिम्सिनालाई एक विशेष कार्यक्रमका बीच विदाई गरेको छ।
दशकौं लामो सेवा अवधि पूरा गरी ट्राफिक व्यवस्थापनमा उत्कृष्ट योगदान पुर्याउनुभएका तिम्सिनालाई सम्मानपूर्वक विदाई गर्न आयोजित कार्यक्रममा विभिन्न संघसंस्थाका प्रतिनिधिहरूको उपस्थिति रहेको थियो।
कार्यक्रममा स्वरोजगार हलुका सवारी श्रमिक संस्थाका अध्यक्ष बालकृष्ण श्रेष्ठ, उपाध्यक्ष गौरी बराल, समाजवादी ट्रेड युनियनका अध्यक्ष मिलन योगी, नेपाल यातायात मजदुर संघ कोशी प्रदेश उपाध्यक्ष गान्धी भण्डारी, र हलुका सवारी चालक इकाई समितिका सह-सचिव हरि दहालले तिम्सिनाको दमक क्षेत्रको ट्राफिक व्यवस्थापनमा पुर्याएको योगदानको खुलेर प्रशंसा गरे।
कार्यक्रममा बोल्दै जनक तिम्सिनाले आफ्नो सेवा अनुभवलाई अब समाजमा रचनात्मक र सकारात्मक ढंगले प्रयोग गर्ने प्रतिबद्धता व्यक्त गर्नुभयो। “जीवनचक्र समाजबाट मैले गाली नगरी दृढतापूर्वक काम गर्ने संस्कार सिकेको छु, र यसलाई जीवनमा व्यवहारमा उतार्नेछु,” उहाँले भावुक हुँदै बताउनुभयो।
विदाई कार्यक्रमको सहजीकरण स्वरोजगार हलुका सवारी श्रमिक संस्थाका सचिवले गर्नुभएको थियो। कार्यक्रममा सहभागी सम्पूर्ण व्यक्तिहरूले तिम्सिनाको भावी जीवन सफल र सक्रिय होस् भन्ने शुभकामना व्यक्त गरेका थिए।
Leave a Reply