दमकमा पहिलो पाइला नेपालद्वारा स्वागत तथा शुभकामना कार्यक्रम सम्पन्न

असाेज १०, दमक / पहिलो पाइला नेपाल दमक शाखाले नयाँ सदस्यहरूलाई स्वागत गर्दै शुभकामना आदानप्रदान कार्यक्रम सम्पन्न गरेको छ। दशैंसहितका पर्वहरूको अवसरमा शुक्रबार दमक–५ स्थित संगम स्वीटमा कार्यक्रम आयोजना गरिएको हो।

कार्यक्रमका प्रमुख अतिथि संगम स्वीटका सञ्चालक तथा संस्थाका सल्लाहकार विमल शर्माले नयाँ सदस्यलाई स्वागत गर्दै संस्थाको सामाजिक क्रियाकलापमा सक्रिय योगदान गर्न प्रेरित गर्नुभयो।

संस्थाका अध्यक्ष राजु निरौलाको अध्यक्षतामा सम्पन्न कार्यक्रममा केन्द्रीय सदस्य मेघनाथ फुयाल, केन्द्रीय कोषाध्यक्ष दिवस खतिवडा, केन्द्रीय सदस्य लवराज खड्का लगायतको उपस्थिति रहेको थियो।

नव सदस्यहरू सुजन गौतम, कृतिका कटेल, सन्जु सिवाकोटी, बिमला अधिकारी, नवराज अधिकारी, देबु गर्तौला, सक्षम पौडेल, अशोक बर्देवा, तुलसा कार्की र शिव शिवकोटीलाई विशेष स्वागत गरिएको थियो।

अध्यक्ष निरौलाले शुभकामना आदानप्रदानसँगै संस्थाका आगामी योजना सार्वजनिक गर्दै दशैंपछि भाग्य बोक्ने झोला कार्यक्रम र स्वास्थ्य शिविर सञ्चालन गरिने जानकारी दिनुभयो। कार्यक्रमको सञ्चालन संस्थाका उपाध्यक्ष लवराज खड्काले गर्नुभएको थियो।