दमकमा पहिलो पाईला नेपालको क्यालेन्डर विमोचन तथा शुभकामना आदानप्रदान कार्यक्रम सम्पन्न

बैशाख २, दमक /  मुख्य केन्द्रीय कार्यालय काठमाडौंमा रहेको पहिलो पाईला नेपाल दमक शाखाले क्यालेन्डर विमोचन तथा नयाँ वर्षको शुभकामना आदानप्रदान कार्यक्रम सम्पन्न गरेको छ। संस्थाका दमक शाखा अध्यक्ष राजु निरौलाको अध्यक्षतामा आयोजित कार्यक्रममा सामाजिक सहयोगी व्यक्तित्व तथा उद्योग वाणिज्य संघ दमकका तृतीय उपाध्यक्ष सुभाषचन्द्र गर्तौलाको प्रमुख आतिथ्यता रहेको थियो।

कार्यक्रममा कलश बचत तथा ऋण सहकारी संस्थाका अध्यक्ष महेश घिमिरे, शिखा साकोस दमकका व्यवस्थापक तुलसी राजवंशी, सामाजिक अभियन्ता युवराज निरौला, आमा कोल्ड सेन्टरका सञ्चालक पंकज पोख्रेल, पहिलो पाइला नेपालका केन्द्रीय कोषाध्यक्ष दिवस खतिवडा, सदस्य मेघनाथ फुयाल, क्लब हिमालयन टाइगरका अध्यक्ष रेवत चन्द्र भण्डारी, संस्थाका पूर्व अध्यक्ष सुरेश बराल, सल्लाहकार छवि घिमिरे लगायतको उपस्थिति रहेको थियो।

कार्यक्रममा संस्थाका पदाधिकारी तथा सदस्यहरू गेहनाथ पोख्रेल, पूजा दाहाल, सोनु चौधरी लगायतको पनि सहभागिता रहेको थियो। पहिलो पाइला नेपाल दमक शाखाले सामाजिक क्षेत्रमा सक्रिय रूपमा कार्यक्रम गर्दै आएको अवस्थामा यस वर्ष पहिलो पटक क्यालेन्डर विमोचन कार्यक्रम आयोजना गरेको हो।

कार्यक्रममा उपस्थित अतिथिहरूले संस्थाले गर्दै आएको सामाजिक कार्यको प्रशंसा गर्दै नयाँ वर्षको शुभकामना व्यक्त गरेका थिए। साथै क्यालेन्डर प्रकाशनलाई सकारात्मक पहलका रूपमा सराहना गरिएको थियो।कार्यक्रमको सञ्चालन उपाध्यक्ष लबराज खडकाले गरेका थिए भने अध्यक्ष निरौलाले विज्ञापनदाता तथा सहभागी सबैप्रति धन्यवाद व्यक्त गरेका थिए।