दमक, मङ्सिर ८ / दमक–६ थानारोडमा नयाँ अवधारणा र आकर्षक डिजाइनसहित ‘कवाडी रेस्टुरेन्ट’ औपचारिक रुपमा सञ्चालनमा आएको छ। प्रयोग भइसकेका सामाग्रीहरूलाई पुनः प्रयोग (Recycle) गर्दै नयाँ डिजाइनमा तयार पारिएको यो अद्वितीय रेस्टुरेन्ट सोमबार एक विशेष समारोहका बीच उद्घाटन गरिएको हो।
उद्घाटन कार्यक्रममा दमक उद्योग वाणिज्य संघका अध्यक्ष गोपाल गुरागाई सहित विभिन्न पदाधिकारी तथा सदस्यहरूको उपस्थिति रहेको थियो। ४ जना युवा उद्यमीहरूले संयुक्त लगानीमा सञ्चालन गरेको उक्त रेस्टुरेन्ट स्थापना गर्न ७० लाखभन्दा बढी खर्च गरिएको संचालक मध्येका एक सुवास बुढाथोकीले जानकारी दिए।
उनका अनुसार रेस्टुरेन्टमा विशेषगरी खाजाका विभिन्न सेटहरू बढी आइटमसहित उपलब्ध हुनेछन्। नयाँ सोच र डिजाइनसहित सुरु भएको यो रेस्टुरेन्टले युवापुस्ताको रोजाइमा पर्न सक्ने विश्वास व्यक्त गर्दै उद्घाटन समारोहमा शुभकामना मन्तव्य राख्ने क्रममा अध्यक्ष गुरागाईले सफलताको कामना व्यक्त गरे।
इलाका प्रहरी कार्यालयको ठ्याक्कै अगाडि रहेको तथा मेची सहकारी भवनतर्फबाट समेत सहज प्रवेश गर्न मिल्ने गरी खुला र रमणीय शैलीमा बनाइएको कवाडी रेस्टुरेन्ट दमकको नयाँ आकर्षण बन्ने संचालकहरूको अपेक्षा छ।
Leave a Reply