“है बाबा आमा” गीतको भिडियो सार्वजनिक

दमक / नेपाली सांगीतिक क्षेत्रमा एक नयाँ सुसमाचार गीत थपिएको छ। लोकधुनमा आधारित “है बाबा आमा” शीर्षकको म्युजिक भिडियो सार्वजनिक भएको हो।

बिरेन तितुङको निर्देशनमा बनेको यस भिडियोमा राजकुमार राई, रमेश परियार, लोइस लिम्बू, अस्मिता परियार, सगुना राई, निमा तामाङ र इच्छामाया मगर लगायत कलाकारहरूको अभिनय समावेश छ।

गीतमा मन आले र अनु चौधरीको स्वर, आलेकै संगीत, साथै आशिष लामा र रेशम गदालको एरेन्ज र मिक्सिङ रहेको छ। भिडियोमा मगर समुदायको सांस्कृतिक पहिरन, परम्परा र पारिवारिक भावनालाई आकर्षक रूपमा प्रस्तुत गरिएको छ।

नयापाना फिल्म्सको पोस्ट प्रोडक्सन रहेको यस भिडियोले नेपाली सांस्कृतिक विविधता र सुसमाचार सन्देशमार्फत दर्शकको मन जित्ने विश्वास गरिएको छ।