चुनावबाट राप्रपा नभाग्ने अध्यक्ष लिङ्देनको स्पष्ट भनाइ: ‘तयारी गरेर मात्रै जानेछौं’

असाेज २९, काठमाडौं / राष्ट्रिय प्रजातन्त्र पार्टी राप्रपाका अध्यक्ष राजेन्द्र लिङ्देनले आफ्नो पार्टी चुनावबाट नभाग्ने स्पष्ट पारेका छन् ।

‘पार्टी केन्द्रीय कार्यालयमा बुधबार बसेको केन्द्रीय कार्यसमिति बैठकपछि सञ्चारकर्मीसँग कुरा गर्दै उनले भने, निर्वाचन प्रणाली अहिलेको अवस्थामा दीर्घकालीन समस्या समाधान गर्न सक्दैन, तर निर्वाचन भएमा हामी भाग्दैनौं, तयारी गरेर मात्रै जानेछौं।’

उनले जेनजी आन्दोलनको बीचमै संसद्ले निकास नदिएपछि पार्टीले राजीनामा दिएका र संसद् विघटन भएको स्मरण गराए। लिङ्देनका अनुसार, नयाँ निर्वाचन आवश्यक छ, तर यही प्रणालीले हुने चुनावले देशलाई स्थायी समाधान दिन सक्दैन।