पुष २२, दमक / जिबनचक्र समाज नेपालले आज एक कार्यक्रमका बीच युनिभर्सल कलेजमा युनिट गठन गरेको छ। युनिभर्सल कलेजको सभा हलमा सम्पन्न कार्यक्रम कलेज प्रमुख भीमप्रसाद पोख्रेलको सभापतित्वमा तथा जिबनचक्र समाज नेपालका अध्यक्ष गणेश गौतमको प्रमुख आतिथ्यतामा सम्पन्न भएको हो।
सामाजिक उत्तरदायित्वलाई आत्मसात गर्दै जिबनचक्र समाज नेपालले विभिन्न विद्यालय तथा कलेजहरूमा युनिट गठन गर्दै सामाजिक गतिविधि सञ्चालन गर्दै आएको छ। सोही क्रममा गठन गरिएको यस युनिटले विद्यार्थीहरूलाई सामाजिकीकरण, नेतृत्व विकास तथा उत्तरदायित्व बोध गराउँदै भविष्य निर्माणमा प्रेरित गर्ने उद्देश्य राखेको संस्थाका सचिव गणेश प्रधानले बताउनुभयो।
कार्यक्रमबाट विद्यार्थी प्रणिस आचार्यको संयोजकत्वमा ११ सदस्यीय समिति गठन गरिएको छ। कार्यक्रमको सञ्चालन प्राध्यापक राजेन्द्र अधिकारीले गर्नुभएको थियो।कार्यक्रममा जिबनचक्र समाज नेपालका कोषाध्यक्ष बिदुर भण्डारी, युनिभर्सल कलेज व्यवस्थापन समिति अध्यक्ष बलभद्र कोइराला लगायतको उल्लेखनीय उपस्थिति रहेको थियो।
नवगठित सदस्यहरूलाई शुभकामना दिँदै अध्यक्ष गणेश गौतमले जिबनचक्र समाज नेपालले “म मेरो जिम्मेवारी पूरा गर्छु, परिवर्तन आफैंबाट सुरु गरौं” भन्ने मूल नाराका साथ फोहोर व्यवस्थापन, रक्तदान, सवारी दुर्घटना न्यूनीकरण तथा खाना खेर नफालौंजस्ता अभियानहरू निरन्तर सञ्चालन गर्दै आएको जानकारी गराउनुभयो।
Leave a Reply