दमकमा ‘उखुमै सुहायो’ गीतको विमोचन सम्पन्न

पुष २६, दमक / झापाको दमकमा लिम्बु समुदायको संस्कृति झल्काउने ‘उखुमै सुहायो’ गीतको विमोचन कार्यक्रम सम्पन्न भएको छ। शुक्रबार दमकस्थित खरायो कटेजमा आयोजित विशेष कार्यक्रममा उक्त गीत सार्वजनिक गरिएको हो। गीतको म्युजिक भिडियो निर्देशन भूपेन्द्र तुम्बाम्फेले गर्नुभएको हो। कार्यक्रममा प्रमुख अतिथिका रूपमा मेक्लाजुङ गाउँपालिकाका अध्यक्ष बबी कुमार राई रहनुभएको थियो भने विशिष्ट अतिथिमा कवि तथा निर्देशक उपेन्द्र सुब्बा सहभागी हुनुहुन्थ्यो।

पूर्वी नेपालका लिम्बु समुदायको मौलिक संस्कृति, भेषभूषा र परम्परालाई उजागर गर्ने उद्देश्यसहित निर्माण गरिएको ‘उखुमै सुहायो’ गीतको म्युजिक भिडियो लिम्बु जातीको सिलामसाक्मा जस्कोअर्थ (म्रितुको बाटो छेक्नु) उक्त भिडीयोमा सोहि देखाइयेकोछ कथा सरल तरिकाले बुज्न सकिन्छ पूर्वका विभिन्न पर्यटकीय स्थलहरूमा छायांकन गरिएको छ। भिडियो निर्माणमा करिब ३ लाख रुपैयाँ खर्च भएको जानकारी कार्यक्रमका अध्यक्ष जितेन साम्पाङ राईले दिनुभयो।

सब्द सङगित सेमियाङ लिम्बुले गर्नुभएको हो भने म्युजिक भिडियोमा दिव्या लावती र दीपक लिम्बुले प्रमुख भूमिका निर्वाह गर्नुभएको छ। जितेन साम्पाङ राईको अध्यक्षतामा सम्पन्न कार्यक्रममा सामाजिक व्यक्तित्व तथा पूर्वका चर्चित कलाकारहरूको उल्लेखनीय उपस्थिति रहेको थियो। कार्यक्रमले पूर्वी पहिचान र सांस्कृतिक संरक्षणमा गीत–संगीतको भूमिकालाई थप मजबुत बनाउने विश्वास गरिएको छ।