झापा, दमक — क्लब हिमालयन टाइगरले वर्षेनीझैँ यस वर्ष पनि राष्ट्रिय सेवकसँग रक्षाबन्धन कार्यक्रम सम्पन्न गरेको छ। शनिबार आयोजित कार्यक्रममा इलाका प्रहरी कार्यालय दमक, ट्राफिक प्रहरी कार्यालय तथा नगर प्रहरीका सेवकलाई दिदीबहिनीले राखी बाँधेर शुभकामना व्यक्त गरे।
क्लबका अध्यक्ष रेवतराज भण्डारीका अनुसार, प्रहरी तथा अन्य सुरक्षा निकायका सदस्यहरू निरन्तर राष्ट्रसेवामा खटिनुपर्ने हुँदा चाडपर्वका बेला परिवारसँग समय बिताउने अवसर नपाउने भएकाले, परिवारको माया र सम्मानको अनुभूति दिलाउन यो कार्यक्रम आयोजना गरिएको हो।
कार्यक्रममा केन्द्रीय अध्यक्ष रेवत चन्द्र भण्डारी, बरिष्ठ उपाध्यक्ष तेज कुमार श्रेष्ठ, महासचिव राजु खड्का, सदस्य सुस्मा निरौला, दमक शाखाका निवर्तमान अध्यक्ष मेघराज फुयाल, निवर्तमान उपाध्यक्ष तिर्थ चाम्लिङ राई, निवर्तमान महिला उपाध्यक्ष अनु भण्डारी तथा अन्तर्राष्ट्रिय समन्वय समिति (स्विजरल्याण्ड)का सुवास लामालगायतको उपस्थिति थियो।
रक्षाबन्धनका अवसरमा सहभागीले राष्ट्रिय सेवकको समर्पण र योगदानको प्रशंसा गर्दै यस्ता कार्यक्रमले सेवा भावमा थप प्रेरणा दिने विश्वास व्यक्त गरेका थिए।
Leave a Reply