दमकमा जङ्गली हात्तीको आक्रमण दिदीबहिनी गम्भीर घाइते

दमक / झापाको दमकमा आइतबार बिहान मर्निङ वाकका क्रममा दुई दिदीबहिनी जङ्गली हात्तीको आक्रमणमा परी गम्भीर घाइते भएका छन्।
दमक नगरपालिका–१ बरगाछी नजिक बिहान करिब ४ बजे स्थानीय सुनिता राई र कविता राई हात्तीको आक्रमणमा परेका हुन्।

मर्निङ वाक गरिरहेका बेला हम्सेदुम्से सामुदायिक वन क्षेत्रबाट निस्किएको जङ्गली हात्तीले दुबैलाई आक्रमण गरी फ्याँकेको थियो।घटनापछि स्थानीयले तत्कालै उद्धार गरी दमक अस्पताल पुर्‍याए पनि अवस्था गम्भीर भएकाले दुवै जनालाई थप उपचारका लागि बिराटनगर रिफर गरिएको दमक नगरपालिका वडा नं. १ का वडाध्यक्ष हरिप्रसाद न्यौपानेले जानकारी दिए।