दमकमा सम्पन्न यू–१५ फुटबल प्रतियोगितामा इलाम आइतबारे एकेडेमी विजेता

भदौ २२, दमक । झापाको दमकमा सम्पन्न यू–१५ फुटबल प्रतियोगिता–२०८२ मा इलामको आइतबारे एकेडेमी विजेता बनेको छ। रोयल स्पोर्टिङ क्लबको आयोजनामा भदौ ७ गतेदेखि २१ गतेसम्म सञ्चालन गरिएको प्रतियोगिताको फाइनल शनिबार दमक नगरपालिका–२ बेल्डागीस्थित फुटबल मैदानमा भएको थियो।

फाइनल खेलमा इलाम आइतबारे एकेडेमीले दमक झापा–३ को ढुकुरपानी युथ क्लबलाई २, १ गोलले हराउँदै उपाधि हात पारेको हो। विजेता टोलीले १५ हजार रुपैयाँ पुरस्कार प्राप्त गर्दा उपविजेता टोलीले १० हजार रुपैयाँमा चित्त बुझाएको छ।

प्रतियोगितामा कुल १३ टिमको सहभागिता रहेको थियो। फाइनल खेलमा दमक नगर खेलकुद समिति उपाध्यक्ष तारा अधिकारी प्रमुख अतिथि रहनुभएको थियो। खेलभरि मेडिकल सहयोग रिता फार्मेसीले गरेको थियो।कार्यक्रम रोयल स्पोर्टिङ क्लबका अध्यक्ष राजु खड्काको अध्यक्षतामा सम्पन्न भएको हो।