गौरादह/ गौरादह नगरपालिकाको १६ औँ नगर अधिवेशन सम्पन्न भएको छ । नगरपमुख छत्रपती सुवेदीको अध्यक्षतामा मङ्गलबार बसेको अधिवेशनको पाचौं बैठकले विभिन्न विधेयक , प्रतिवेदन तथा प्रस्तावहरु पारित गरे संगै नगर अधिवेशन सम्पन्न भएको हो । असार ८ गते सुरु भएको नगर अधिवेशनमा आज ३१ गते सम्म विभिन्न पाँच वटा बैठक बसेको नगर प्रमुख छत्रपति सुवेदीले जानकारी दिनुभयो ।
आज बसेको १६ औं नगर सभाको पाँचौ बैठकले चौथो बैठकमा नगरसभा सदस्य हेमनाथ थापाले प्रस्तुत गर्नुभएको गौरादह नगरपालिकामा करारमा कार्यरत कर्मचारीलाई सामाजिक सुरक्षा ब्यवस्था गर्न बनेको विधेयक २०८२ सर्वसम्मत रूपमा पारित गरेको छ ।
बैठकले उपप्रमुख जल वर्षा राजवंशीले प्रस्तुत गर्नुभएको नगरपालिकाको न्यायीक समितिको आर्थिक बर्ष २०८१/०८२ को बार्सिक प्रतिवेदन ,अनुगमन समितिको प्रतिवेदन ,नगर सभा सदस्य गोपालप्रसाद कोइरालाले प्रस्तुत गर्नुभएको नगरपालिकाको बेरुजु र फर्च्योट सम्बन्धि प्रस्ताव त्यसैगरी नगरसभा सदस्य नगेन्द्र भण्डारीले प्रस्तुत गर्नुभएको विविध प्रस्ताव पनि सर्वसम्मतिले पारित गरेको छ ।
नगरसभाको पहिलो बैठक देखि पाचौं बैठक सम्म नगरसभा कुल ६ घण्टा ४० मिनेट बसेको विभिन्न ११ प्रस्तावहरु प्रस्तुत भएर दफाबार छलफल सहित पारित भएका छ्न ।
नगरको १६औं अधिवेशन बाट नगरसभा संचालन कार्यविधि २०८२ ,गौरादह नगरपालिकाको नीति तथा कार्यक्रम ,नगरको आर्थिक बर्ष २०८२/८३ को बजेट तथा कार्यक्रम ,आर्थिक विधेयक २०८२ विनियोजन विधेयक २०८२ लगायतका विधेयक र सार्वजनिक महत्वका प्रस्ताव सर्वसम्मतिले पारित गरेको नगरका प्रबक्ता नगेन्द्र भण्डारीले जानकारी दिनुभयो
