दमक / डाक्टर लेखनाथ न्यौपानेको जन्म उत्सवको अवसरमा जीवन चक्र समाज नेपालले एक जेहेन्दार विद्यार्थीलाई नगद र शैक्षिक सामग्री प्रदान गरेको छ। आफ्नो अध्ययनसँगै घरको जिम्मेवारी वहन गरिरहेकी ती विद्यार्थीलाई रु ३,००० नगद, स्कुल ब्याग, कपी, कलमसहित शैक्षिक सामग्री सहयोग स्वरूप प्रदान गरिएको हो।
उक्त सहयोग जीवन चक्र समाज नेपालका कार्यसमिति सदस्य डा. लेखनाथ न्यौपाने र संस्थाका आजीवन सदस्य गणेश प्रसाद न्यौपानेले संयुक्त रूपमा गर्नुभएको हो।
त्यसैगरी, संस्थाको झन्डै दुई वर्षको अनुभवसहित विभिन्न गतिविधिमा निरन्तर सहभागी हुँदै आउनुभएका पत्रकार सुजन गौतमलाई संस्थाको आजीवन सदस्यता प्रदान गरिएको छ। उनलाई सदस्यता प्रमाणपत्र, ब्याच तथा टिसर्ट पनि प्रदान गरिएको हो।
कार्यक्रममा दमक उद्योग वाणिज्य संघका वरिष्ठ उपाध्यक्ष राजु खड्काले संस्थालाई १० थान पुस्तक हस्तान्तरण गर्नुभयो। उहाँले “संस्थाले जन्मदेखि मृत्यु संस्कारसम्म समाजका लागि पुस्तक निर्माण गरेर ठूलो काम गरिरहेको छ, यसले थप सहयोग गर्न उत्प्रेरणा मिलेको छ” भन्दै शुभकामना व्यक्त गर्नुभयो।
त्यस्तै, समाजका गतिविधि नजिकबाट नियाल्दै आउनुभएका प्रदीप न्यौपानेले संस्थाको साधारणसभा तयारीका लागि १ हजार नगद सहयोग गर्ने प्रतिबद्धता व्यक्त गर्नुभयो। कार्यक्रममा समाजसेवी तथा व्यवसायी केदारनाथ घिमिरेले जीवन चक्र समाज नेपालले समाजसेवामा पुर्याउँदै आएको योगदान उल्लेख गर्दै संस्थाले अझ उचाइमा पुग्ने विश्वास व्यक्त गर्नुभयो।
जन्मोत्सवकै अवसरमा डा. लेखनाथ न्यौपानेले संस्थाको कोठा भाडा वापत एक महिनाको रु २,००० समेत प्रदान गर्नुभएको छ। कार्यक्रममा संस्थाका पदाधिकारी, सदस्यहरू, स्थानीय समाजसेवीहरू, पत्रकारलगायतको उपस्थिति रहेको थियो।
