भदौ ४, बिर्तामोड / झापा जिल्ला बिर्तामोड नगरपालिका–५ सुगम पेट्रोल पम्प नजिक पार्किङ गरी राखिएको ना ४ ख ४१८१ नम्बरको ट्रकमा अचानक तार सर्ट भएर आगलागी भएको छ।

इलाका प्रहरी कार्यालय अनारमनीमा प्राप्त हुनासाथ प्रहरी टोली तत्काल घटनास्थलमा पुगेको थियो। प्रहरी तथा स्थानीयवासीहरूको सहयोगमा मटरको पानी प्रयोग गरी आगो अन्दाजी १७:०० बजे पूर्ण रुपमा नियन्त्रणमा लिइएको हो।

उक्त आगलागीबाट ट्रकको कागजपत्रसहित अगाडिको क्याबिन (चालक र सहचालक बस्ने भाग) र इन्जिनसमेत आंशिक रुपमा जलेको प्रहरीले जनाएको छ। यस घटनाबाट करिब रु. ५,००,००० (पाँच लाख) बराबरको क्षति भएको अनुमान गरिएको छ।