दमक, भदौ ११ – झापाको दमक नगरपालिका वडा नम्बर ८ मा अवस्थित क्रिमसन युनिभर्सल एजुकेसन कन्सल्टेन्सीले नयाँ विद्यार्थीलाई स्वागत तथा सेप्टेम्बर २०२५ इन्टेकका लागि जापान र कोरिया प्रस्थान गर्ने विद्यार्थीलाई विदाई कार्यक्रम सम्पन्न गरेको छ।

बिहीबार कन्काई पार्टी प्यालेसमा आयोजित कार्यक्रममा कन्सल्टेन्सीका फाउन्डर विशाल सिटौला प्रमुख अतिथि रहनुभएको थियो। कार्यक्रममा बोल्दै उहाँले क्रिमसन युनिभर्सलले हजारौँ विद्यार्थीलाई जापान, कोरिया लगायतका मुलुकमा पठनपाठन तथा रोजगारीका अवसर दिलाउँदै आएको बताउँदै, विदेशको यात्रा नै सफलता नभई अझै संघर्षको सुरुवात भएको भन्दै विद्यार्थीलाई आत्मविश्वासका साथ अघि बढ्न आग्रह गर्नुभयो।

कार्यक्रम कन्सल्टेन्सीकी आयल्स इन्स्ट्रक्टर प्रासना पाठकले सञ्चालन गर्नुभएको थियो भने, क्रिमसन युनिभर्सल एजुकेसन कन्सल्टेन्सीका डाइरेक्टर अफ बोर्ड विनोद दाहालको अध्यक्षतामा सम्पन्न भएको हो। कार्यक्रममा विद्यार्थी, शिक्षक, विभिन्न शाखाका अध्यक्षलगायतको सहभागिता रहेको थियो।

वि.सं. २०७४ सालमा स्थापना भएको क्रिमसन युनिभर्सल एजुकेसन कन्सल्टेन्सीले जापान, कोरिया, अमेरिका, बेलायत, माल्टा, क्यानडा, आइल्यान्ड लगायतका देशमा विद्यार्थीलाई स्टडी र स्टुडेन्ट भिसामा पठाउँदै आएको छ। झापा जिल्लाको एकमात्र विश्वासिलो कन्सल्टेन्सीका रूपमा यो संस्थाले आफ्नो पहिचान बनाउँदै आएको क्रिमसन युनिभर्सल एजुकेसन कन्सल्टेन्सीका फाउन्डर विशाल सिटौलाले जानकारी दिनुभयो।