साउन २८ ,दमक / झापाको दमक नगरपालिका–१० मा आज बिहान खोलामा डुबेर एक बालकको मृत्यु भएको छ। इलाका प्रहरी कार्यालय दमकका अनुसार बिहान करिब ७ बजेतिर स्थानीय ११ वर्षीय धर्मेन्द्र प्रसाई र सोही उमेरका भुपेन्द्र ढकाल खेल्दै भालु खोलामा पौडी खेल्ने क्रममा दुर्घटना भएको हो।

धर्मेन्द्र प्रसाईलाई खोलाले करिब ६०० मिटर टाढासम्म बगाएको स्थानीयले देखेपछि तत्काल उद्धार गरी उपचारका लागि निम्स अस्पताल दमक पुर्याइएको थियो। तर अस्पताल पुर्याउनासाथ चिकित्सकले बिहान ७:५० बजे मृत घोषित गरेका हुन्।

घटनास्थलमा थप अनुसन्धान तथा कानूनी प्रक्रिया अघि बढाउन इलाका प्रहरी कार्यालय दमकका प्रहरी नायब निरीक्षक नविन राईको नेतृत्वमा टोली खटिएको प्रहरीले जनाएको छ।