दमक, १७ साउन — झापाको दमक नगरपालिका वडा नम्बर ७ स्थित कियोच बाल अस्पतालको स्वामित्वमा रहेको रोज गार्डेन पार्क लगायतका क्षेत्रमा बालमैत्री घोषणाका लागि अनुगमन सुरु गरिएको छ। दमक नगरपालिका वडा नम्बर ७ बाल क्लबकी अध्यक्ष सुवेक्षा बिमलीको नेतृत्वमा शनिबारदेखि औपचारिक रूपमा अनुगमन प्रक्रिया थालिएको हो।

अध्यक्ष बिमलीका अनुसार पार्कमा बत्ती व्यवस्थापन र फोहोर व्यवस्थापनको व्यवस्था तत्काल गर्न आवश्यक रहेको बताउनुभयो। दमक नगरपालिका वडा नं ७ लाई बालमैत्री वडा घोषणा गर्ने उद्देश्यले विभिन्न चरणमा अनुगमन तथा सुधार अभियान सञ्चालन भइरहेको क्लबले जनाएको छ।

दमक नगरपालिका वडा नं ७ र दमक नगरपालिका बालमैत्री घोषणा अभियानलाई सशक्त बनाउने उद्देश्यले यस्ता अनुगमन र सुधारात्मक गतिविधिहरू जारी रहने बाल क्लबले जनाएको छ।अनुगमन टोलीमा बाल क्लब सचिव आयुषा गौतम, सह सचिव कमल पोख्रेल, कोषाध्यक्ष युनिस श्रेष्ठ, सदस्य समीज्ञा बास्कोटा लगायतको सहभागिता रहेको थियो।