भदौ ३, बिर्तामोड, झापा / राष्ट्रिय प्रजातन्त्र पार्टी (राप्रपा) निकट राष्ट्रिय प्रजातान्त्रिक महिला संगठन बिर्तामोडको नगर अधिवेशन मंगलबार सम्पन्न भएको छ। अधिवेशनले इन्दिरा पाण्डेको अध्यक्षतामा नयाँ कार्यसमिति सर्वसम्मत चयन गरेको छ। पाण्डे बिर्तामोड नगरपालिकाको वडा नम्बर ८ की निर्वाचित जनप्रतिनिधि समेत हुनुहुन्छ।

कार्यक्रममा राष्ट्रिय प्रजातान्त्रिक महिला संगठन झापाकी अध्यक्ष शारदा रिजाल प्रमुख अतिथि रहनुभएको थियो। सो अवसरमा राप्रपा झापाका अध्यक्ष केशव ओझा, महिला संगठन झापाकी पूर्व अध्यक्ष एवं भद्रपुर नगरपालिकाकी उपमेयर राधा कार्की, साथै राप्रपा बिर्तामोडकी पूर्व नगर अध्यक्ष रन्जु प्याकुरेलको विशेष आतिथ्यता रहेको थियो।

अधिवेशनकै अवसर पारेर तीज विशेष कार्यक्रम समेत आयोजना गरिएको थियो। कार्यक्रममा सहभागी महिलाहरुले तीजका गीत तथा नृत्य प्रस्तुत गरेका थिए। कार्यक्रममा महिलाहरुको उल्लेख्य सहभागिता रहेको थियोे ।