उर्लाबारी ४ स्थित वशिष्ठ रिसोर्ट नजिक आज बिहान भएको सवारी दुर्घटनामा एक जना मोटरसाइकल चालक घाइते भएका छन्।
पश्चिमबाट पूर्वतर्फ आउँदै गरेको प्रदेश ०१–०२–०५१ प नम्बरको मोटरसाइकललाई पूर्वबाट पश्चिमतर्फ जाँदै गरेको रातो बसले ठक्कर दिएको प्रहरीले जनाएको छ। घाइते मोटरसाइकल चालकको पहिचान खुल्न बाँकी रहेको छ। उनलाई तत्कालै उद्धार गरी उर्लाबारी–५ स्थित अरनिको अस्पताल लगिएको छ।
ठक्कर दिने रातो बस भने दुर्घटनापछि फरार भएको र घटनाबारे अनुसन्धान जारी रहेको इलाका प्रहरी कार्यालय उर्लाबारीले जनाएको छ।
