भदौ २, दमक / दमक उद्योग वाणिज्य संघको ३५ औं स्थापना दिवसको अवसरमा आगामी भदौ ५ र ६ गते आयोजना हुने फुटसल प्रतियोगिताको खेल तालिका सार्वजनिक गरिएको छ। संघको कार्यालयमा आयोजना गरिएको पत्रकार सम्मेलनमार्फत प्रतियोगिता सम्बन्धी जानकारी दिइएको हो।
दमक उद्योग वाणिज्य संघका अध्यक्ष गोपाल गुरागाईंका अनुसार प्रतियोगितामा १० वटा बस्तुगत व्यवसायी संघहरूको सहभागिता रहनेछ। प्रतियोगितामा सहभागी टिमहरू दुई समूहमा विभाजन गरिएको छ। समूह ए अन्र्तगत दमक जुत्ता चप्पल व्यवसायी संघ, स्वास्थ्य व्यवसायी संघ, दमक मोबाइल व्यवसायी संघ, सुनचाँदी व्यवसायी संघ, अटोमोबाइल व्यवसायी संघ रहेको छन् ।
यसैगरि समूह बी अन्र्तगत रेडिमेड कपडा व्यवसायी संघ, किराना तथा खाद्यान्न व्यवसायी संघ, होटल व्यवसायी संघ, फर्निचर तथा फर्निसिङ व्यवसायी संघ, र निर्माण बस्तुगत व्यवसायी संघ रहेका छन् । प्रतियोगिताका प्रथम हुनेले ३३ हजार ३ स ३३ रुपैया प्राप्त गर्नेछन् ,दृतियलाई २२ हजार २ सय २२ रुपैया प्रदान गरिनेछ । यसैगरि उत्कृष्ट टिमलाई नगद ५ हजार १०० रुपैया प्राप्त गर्नेछन् । प्रत्येक खेलका म्यान अफ द म्याचलाई रु ११०० प्रदान गरिने आयोजक उद्योग बाण्ज्यि संघले जनाएको छ ।
प्रतियोगिता दमक–५ स्थित बिष्ट फुटसल ग्राउण्डमा हुने समेलनमा जानकारी दिएको छ ।
