भदौ ५, गाैरादह / पहिलो पाईला नेपाल, गाैरादह शाखाद्वारा क्यान्सर पीडितलाई आर्थिक सहयोग हस्तान्तरण गरिएको छ ।गाैरादह नगरपालिका–७ निवासी गंगा (दिपा) भट्टराईलाई उपचारका क्रममा आर्थिक कठिनाई भएको कारण संस्थाले सहयोग गरेको हो ।
भट्टराई हाल भरतपुर अस्पतालमा उपचाररत रहेकी छन् । उनको आर्थिक अवस्था अत्यन्त कमजोर भएकाले उपचारमा केही सहज होस् भन्ने उद्देश्यले संस्थाले नगद रू. ५ हजार हस्तान्तरण गरेको शाखा अध्यक्षले जानकारी दिनुभयो ।
संस्थाले समाजिक उत्तरदायित्व अन्तर्गत विपन्न तथा संकटमा परेकाहरूलाई सहयोग गर्ने परम्परा कायम राख्दै आएको जनाएको छ ।
