भदौ ९, दमक —ट्राफिक प्रहरी कार्यालय दमकले २०८२ साल साउन महिनाभर सवारी नियम उल्लङ्घन गर्ने ४०० वटा सवारीसाधनलाई कारबाही गरेको छ। सो कारबाहीबाट जम्मा रू. ३ लाख ४० हजार ५ सय राजस्व संकलन गरिएको कार्यालयका प्रमुख विजय राईले जानकारी दिनुभयो।
ट्राफिक प्रहरीले पछिल्लो समय यातायात व्यवस्थापनलाई व्यवस्थित बनाउन नियमित अनुगमन तथा चेकजाँचलाई तिव्रता दिएको छ। विशेषगरी सिटी सफारी जाँच, मापसे तथा लापसे नियन्त्रणमा कार्यालय निरन्तर खटिरहेको जनाएको छ।
प्रहरीका अनुसार सवारी चालकमा ट्राफिक नियम पालना गर्ने प्रवृत्ति अभिवृद्धि गर्न निरन्तर अभियान सञ्चालन भइरहेकाले आगामी दिनमा थप कडाइ गरिने मल्टिमिडिया डट कम सँग संवादका क्रममा दमक ट्राफिक प्रहरी कार्यालयका प्रमुख विजय राईले जानकारी दिनुभयो ।
