भदौ २१, दमक / झापाको दमकमा क्लब हिमालयन टाइगर दमक शाखाले दोस्रो वार्षिक साधारण सभा सम्पन्न गरेको छ। साधारण सभाले खगेन्द्र बजगाईलाई सर्वसम्मत रूपमा अध्यक्षमा चयन गरेको छ।

१२ सदस्यीय नयाँ समितिमा उपाध्यक्षमा भूपेन्द्र निरौला, महिला उपाध्यक्षमा डुका कुमाल, सचिवमा राजु अधिकारी, सहसचिवमा अर्जुन निरौला, कोषाध्यक्षमा भूमि निरौला रहेका छन्। त्यस्तै, सदस्यमा विनोद अधिकारी, दिवस खतिवडा, प्रशान्त ढकाल,बिप्लक दंगाल, प्रदीप बस्नेत, र सुरेश बराल चयन भएका छन्।

समितिको चयन क्लब हिमालयन टाइगरका केन्द्रीय अध्यक्ष रेवत्चन्द्र भण्डारीको संयोजकतामा सम्पन्न भएको हो। कार्यक्रम दमकस्थित क्लब हिमालयन टाइगरको केन्द्रीय कार्यालयमा आयोजना गरिएको थियो।