असाेज ११, दमक / क्लब हिमालयन टाइगरको स्थापना दिवसको अवसरमा झापाको दमकमा रक्तदान कार्यक्रम सम्पन्न भएको छ। शनिबार दमक चोकमा आयोजित कार्यक्रममा ३५ पिन्ट रगत संकलन गरिएको हो।

रेडक्रस सोसाइटी दमक उपशाखाको प्राविधिक सहयोगमा सम्पन्न कार्यक्रममा दमक नगरपालिकाका नगरप्रमुख रामकुमार थापा प्रमुख अतिथि रहनुभएको थियो। कार्यक्रममा बोल्दै नगरप्रमुख थापाले सामाजिक क्षेत्रमा निरन्तर सक्रिय रहँदै आएको क्लब हिमालयन टाइगरको प्रशंसा गर्दै रक्तदान अभियानप्रति आभार व्यक्त गर्नुभयो।

कार्यक्रमको अध्यक्षता क्लब हिमालयन टाइगर दमक शाखाका अध्यक्ष खगेन्द्र बजगाईंले गर्नुभएको थियो। उहाँले चाडपर्वको समयमा रगतको अभाव हुने अवस्थालाई मध्यनजर गर्दै रक्तदान कार्यक्रम आयोजना गरिएको जानकारी दिनुभयो।

सो अवसरमा क्लबका पदाधिकारीहरू, सामाजिक अभियन्ता तथा स्थानीय व्यक्तित्वहरूको उपस्थिति रहेको थियो।