माघ १२, दमक  / दमक स्थित Crimson Universal Educational Consultancy का सञ्चालक विशाल सिटौलाले आफ्नो जन्मदिनको अवसरमा सामाजिक उत्तरदायित्व वहन गर्दै गौरीगञ्ज गाउँपालिका–१ स्थित श्री बालकल्याण माध्यमिक विद्यालयका विद्यार्थीहरूलाई शैक्षिक तथा खेलकुद सामग्री सहयोग गर्नुभएको छ।

आइतबार आयोजित एक कार्यक्रमका बीच सिटौलाले करिब ४० हजार रुपैयाँ बराबरका स्कुल ब्याग तथा विभिन्न खेलकुद सामग्रीहरू विद्यालयलाई हस्तान्तरण गर्नुभएको हो। फजुल खर्चलाई निरुत्साहित गर्दै जन्मदिनलाई अर्थपूर्ण सामाजिक कार्यमार्फत मनाउने उद्देश्यले उक्त कार्यक्रम आयोजना गरिएको उहाँले बताउनुभयो।

कार्यक्रममा Crimson Universal Educational Consultancy Damak का सञ्चालक विवेक सिटौला, खानेपानी उपभोक्ता समितिका अध्यक्ष रवी न्यौपाने, दमक क्याम्पसका सभु अध्यक्ष भुवन बस्नेत, गौरीगञ्ज गाउँपालिका–१ का वडा अध्यक्षलगायतको उपस्थिति रहेको थियो। विद्यालय परिवारले सहयोगप्रति आभार व्यक्त गर्दै यस्ता सामाजिक कार्यले विद्यार्थीहरूको मनोबल बढ्ने विश्वास व्यक्त गरेको छ।