दमक, फाल्गुन ८ / डिपीएल टिन्स बोर्ड दमकको छैटौं पद हस्तान्तरण कार्यक्रम सम्पन्न भएको छ । मिति २०८२ फाल्गुन ७ गते आयोजित कार्यक्रममा डिपीएल टिन्स बोर्ड दमक–२०२६ को अध्यक्षमा अप्सन खनाल निर्वाचित हुनुभएको घोषणा गरिएको हो ।

नवनिर्वाचित अध्यक्ष खनालसहित सम्पूर्ण कार्यसमितिलाई कार्यक्रममा सहभागीहरूले बधाई तथा सफल कार्यकालको शुभकामना व्यक्त गरेका थिए । नयाँ कार्यसमिति अनुसार वरिष्ठ उपाध्यक्षमा रोजीत बस्नेत, महासचिवमा उपमा राउत, कोषाध्यक्षमा सुप्रीम पाण्डे चयन हुनुभएको छ । यस्तै उपाध्यक्षहरूमा रिश्ता खड्का र अमिस पौडेल रहनुभएको छ ।

निर्देशकहरूमा अप्सना बस्नेत, रक्षा प्रसाई, सुजल श्रेष्ठ र अंशु निरौला चयन हुनुभएको छ भने सदस्यहरूमा श्रीबिना राई र प्राप्ति दाहाल रहनुभएको छ । कार्यक्रममा संस्थाको आगामी गतिविधिलाई थप सक्रिय र प्रभावकारी बनाउँदै सामाजिक तथा संस्थागत योगदानलाई मजबुत बनाउने अपेक्षा व्यक्त गरिएको थियो ।