वैशाख २६, दमक / सामाजिक क्षेत्रमा सक्रिय संस्था पहिलो पाईला नेपाल दमक शाखाको अध्यक्षमा पुनः राजु निरौला निर्वाचित भएका छन्। शनिबार सम्पन्न पाँचौं अधिवेशनबाट निरौला दोस्रो कार्यकालका लागि अध्यक्षमा निर्वाचित भएका हुन्। अधिवेशनबाट उपाध्यक्षमा लवराज खड्का, सचिवमा पूजा दाहाल तथा कोषाध्यक्षमा विनोद अधिकारी निर्वाचित भएका छन्। त्यसैगरी कार्यसमिति सदस्यहरूमा तुलसा शिवाकोटी, रक्षा पाण्डे, सन्जु शिवाकोटी, रोशन अधिकारी, दीपक पौडेल, नवराज अधिकारी र सोनु चौधरी चयन भएका छन्।
डाक्टर लेखनाथ न्यौपाने को प्रमुख आतिथ्यतामा सम्पन्न अधिवेशनमा दमक उद्योग वाणिज्य सङ्घ का प्रथम उपाध्यक्ष रुबल अधिकारी, जीवनचक्र समाज नेपाल का अध्यक्ष गणेश गौतम, हिमालयन टाइगर का केन्द्रीय अध्यक्ष रेवतचन्द्र भण्डारी लगायतको उपस्थिति रहेको थियो।त्यसैगरी कार्यक्रममा इलाका प्रहरी कार्यालय दमक का कार्यालय प्रमुख डीएसपी किशोर लम्साल तथा ट्राफिक प्रहरी कार्यालयका मनोज आचार्य लगायतको समेत सहभागिता रहेको थियो।
अधिवेशनकै अवसरमा संस्थालाई सामाजिक क्षेत्रमा निरन्तर सहयोग पुर्याउने विभिन्न दाताहरूलाई सम्मान गरिएको थियो। पहिलो पाइला नेपाल ले विगतदेखि नै सामाजिक सेवा, सहयोग तथा जनचेतनामूलक कार्यक्रम सञ्चालन गर्दै आएको छ। आगामी दिनमा पनि यस संस्थाले निरन्तर सामाजिक क्षेत्रमा काम गर्ने प्रतिबद्धता जनाएको छ।
