भदौ ७, दमक / सामाजिक कार्यमा सक्रिय क्लब हिमालयन टाइगर ले हरितालिका तीजको अवसर पारेर तीज विशेष कार्यक्रम सम्पन्न गरेको छ।
दमक–६ स्थित सूर्यदर्शन सहकारी संस्थाको भवनमा आयोजित कार्यक्रममा महिला प्रहरी तथा नगर महिला प्रहरीसँग मिलेर तीज मनाइएको हो। पछिल्लो समयमा तीजलाई भडकिलो रूपमा मनाइने प्रवृत्तिलाई ध्यानमा राख्दै क्लबले सुरक्षामा खटिने महिला प्रहरी र नगर प्रहरीलाई सम्मान स्वरूप दर खुवाउँदै तीज मिलन कार्यक्रम गरेको जनाएको छ।
कार्यक्रमका प्रमुख अतिथि दमक–७ का वडाध्यक्ष भिम पौडेलले क्लब टाइगरले गरेको गतिविधिको प्रशंसा गर्दै आगामी दिनमा सहयोग र साथ दिने प्रतिबद्धता जनाए। उनले तीज पर्वले महिलाबीच आपसी मेलमिलाप र संस्कृतिको संरक्षणमा सहयोग पुर्याउने विश्वास व्यक्त गरे।
कार्यक्रममा दमक उद्योग वाणिज्य संघका वरिष्ठ उपाध्यक्ष राजु खड्का, उपाध्यक्ष तेजकुमार श्रेष्ठ, प्रहरी प्रमुख रुद्र कार्की, सामाजिक व्यक्तित्व विजय बराल, ताराप्रसाद अधिकारी, अनु भण्डारी, तीर्थराज चाम्लिङ राई, भरत दाहाल, भुपेन्द्र न्यौपाने, पदम राउत, पहिलो पाइला नेपाल दमक शाखा अध्यक्ष राजु निरौला, उपाध्यक्ष लवराज खड्का, सूर्यदर्शन सहकारीका होमबहादुर श्रेष्ठसहित विभिन्न संघसंस्थाका पदाधिकारीहरूको उपस्थितिमा कार्यक्रम सम्पन्न भएको हो।
कार्यक्रम क्लब हिमालयन टाइगरका अध्यक्ष रेवत चन्द्र भण्डारीको अध्यक्षतामा सम्पन्न भएको थियो।
