किरात राई पत्रकार संघ, झापाको बिर्तामोडमा आज छैठौं जिल्ला अधिबेशन सम्पन्न भएको छ ।
रबि किरण बान्तावा राईको अध्यक्षतामा र सजन रुमाहाङ राई सचिव रहेको नौ सदस्यीय किरात राई पत्रकार संघ झापा गठन भएको छ ।
किरात राई पत्रकार संघ झापा अध्यक्ष राजन साम्पाङ राईको अध्यक्षता र केन्द्रीय सल्लाहकार सदस्य रमेश समर्दशीको प्रमुख आतिथ्यतामा अधिबेशन सप्पन्न भएको हो । अधिबेशनमा किरात रा पत्रकार संघ केन्द्रिय सल्लाहकार दिपिन राई, आदिवासी जनजाति पत्रकार महासंघ (फोनिज) झापाका उपाध्यक्ष तिलक योन्जन तामाङ, किरात राई पत्रकार संघ झापाका पुर्ब अध्यक्ष अनिलदेब राईको उपस्थिति रहेको थियोे ।किरात राई पत्रकार संघ, झापाको बिर्तामोडमा आज छैठौं जिल्ला अधिबेशन सम्पन्न भएको छ ।
रबि किरण बान्तावा राईको अध्यक्षतामा र सजन रुमाहाङ राई सचिव रहेको नौ सदस्यीय किरात राई पत्रकार संघ झापा गठन भएको छ ।
किरात राई पत्रकार संघ झापा अध्यक्ष राजन साम्पाङ राईको अध्यक्षता र केन्द्रीय सल्लाहकार सदस्य रमेश समर्दशीको प्रमुख आतिथ्यतामा अधिबेशन सप्पन्न भएको हो । अधिबेशनमा किरात रा पत्रकार संघ केन्द्रिय सल्लाहकार दिपिन राई, आदिवासी जनजाति पत्रकार महासंघ (फोनिज) झापाका उपाध्यक्ष तिलक योन्जन तामाङ, किरात राई पत्रकार संघ झापाका पुर्ब अध्यक्ष अनिलदेब राईको उपस्थिति रहेको थियोे ।
झापाको दमक नगरपालिका–३ स्थित नेपाल–जापान फ्रेन्डसिप स्कुलमा तेजस् डेन्टल क्लिनिकले एकदिने स्वास्थ्य शिविर सम्पन्न गरेको छ।
शिविरमा विद्यालयका विद्यार्थी तथा अभिभावक गरी करिब २५० जनाले स्वास्थ्य परीक्षण तथा दाँतसम्बन्धी सेवा लिएका छन्। शिविरमा डा. श्रद्धा दंगालसहितको चिकित्सकीय टोलीले दाँत तथा मुखसम्बन्धी स्वास्थ्य परीक्षण तथा परामर्श प्रदान गरेको थियो।
तेजस् डेन्टल क्लिनिकका सञ्चालक कमल गैरेका अनुसार शिविरमा सहभागी विद्यार्थी तथा अभिभावकलाई क्लिनिकबाट प्रदान गरिने उपचार सेवामा ३० प्रतिशतसम्म छुटको व्यवस्था गरिएको छ।
नेपाल–जापान फ्रेन्डसिप स्कुलका प्रिन्सिपल विकास अधिकारीका अनुसार विद्यार्थीको दाँत तथा मुखको स्वास्थ्यलाई मध्यनजर गर्दै स्वास्थ्य शिविर आयोजना गरिएको हो। विद्यालयमा करिब २०० विद्यार्थी अध्ययनरत रहेको उहाँले जानकारी दिनुभयो।
दमकको बेलडाँगी रोडस्थित केडी कम्प्लेक्समा रहेको तेजस् डेन्टल क्लिनिकले दाँत तथा मुखसम्बन्धी विभिन्न उपचार सेवा प्रदान गर्दै आएको छ। क्लिनिकमा दाँत भर्ने, दाँत निकाल्ने, आरसीटी (रुट क्यानल उपचार), बालबालिकाको दन्त उपचारलगायतका सेवा उपलब्ध रहेको क्लिनिकले जनाएको छ।
झापा, कमल । कमल गाउँपालिकामा जे.ई. खोप अभियान–२०८३ शुभारम्भ भएको छ। लक्षित उमेर समूहका नागरिकलाई जे.ई. विरुद्धको खोप सहज र प्रभावकारी रूपमा उपलब्ध गराउने उद्देश्यले सञ्चालन गरिएको अभियानको पहिलो दिन नै विभिन्न खोप केन्द्रमा नागरिकहरूको उत्साहजनक उपस्थिति देखिएको छ।
अभियानको औपचारिक शुभारम्भ कार्यक्रममा कमल गाउँपालिका अध्यक्ष हुकुम सिह राई, वडा अध्यक्ष चन्द्र भट्टराई, वडा सदस्य जमुना पोखरेल खतिवडा, स्वास्थ्यकर्मी सोनु खवास र झुमा ढुङ्गाना लगायतको उपस्थिति रहेको थियो। औपचारिक शुभारम्भका क्रममा गाउँपालिका अध्यक्ष राई, वडा अध्यक्ष भट्टराई र वडा सदस्य खतिवडाले जे.ई. विरुद्धको खोप लगाई अभियानको उद्घाटन गर्नुभएको थियो।
कार्यक्रममा बोल्दै गाउँपालिका अध्यक्ष हुकुम सिह राईले जे.ई. रोगबाट सुरक्षित रहन खोप महत्वपूर्ण रहेको बताउँदै लक्षित सबै नागरिकलाई आफ्नो पायक पर्ने नजिकको खोप केन्द्रमा पुगेर खोप लगाउन आग्रह गर्नुभयो। उहाँले अभियानलाई सफल बनाउन स्थानीय नागरिकको सक्रिय सहभागिता आवश्यक रहेको उल्लेख गर्नुभयो।
त्यस्तै, वडा अध्यक्ष चन्द्र भट्टराईले नागरिकलाई सहज रूपमा खोप सेवा उपलब्ध गराउने उद्देश्यले सबैलाई पायक पर्ने स्थानमा खोप केन्द्रको व्यवस्था गरिएको जानकारी दिनुभयो। उहाँले लक्षित समूहका कुनै पनि नागरिक खोप सेवाबाट वञ्चित नहुनका लागि सम्बन्धित सबैलाई अभियानमा सहभागी हुन आग्रह गर्नुभयो।
कमल गाउँपालिकामा आज विभिन्न स्थानमा जे.ई. खोप अभियान सञ्चालन भइरहेको छ। कमल–१ को बाह्रबिघे मन्दिर सभाहल, कमल–३ को सानो केर्खा, बेधनिधी पौडेलको घर, कमल–४ को पशुपति मन्दिर, पशुपति टोल र मगर चोक, शान्तिपुट टोल, कमल–५ को सगुन युवा क्लब तथा शहीद रत्न आधारभूत विद्यालय, टुक्रे बजार टोल, कमल–६ को वाणी माध्यमिक विद्यालय, गुहाबारी र कमल–७ को पिङ्गडाँडा स्कुलमा खोप सेवा सञ्चालन भइरहेको छ।
कमल–४ को पशुपति मन्दिर, पशुपति टोलमा बिहान १० बजेदेखि दिउँसो १ बजेसम्म तथा मगर चोक, शान्तिपुट टोलमा दिउँसो १ः३० बजेदेखि ३ः३० बजेसम्म खोप सेवा सञ्चालन हुने व्यवस्था गरिएको छ।
गाउँपालिकाले लक्षित उमेर समूहका नागरिकलाई आफूलाई पायक पर्ने खोप केन्द्रमा गई जे.ई. विरुद्धको खोप लगाउन अनुरोध गरेको छ। अभियानलाई प्रभावकारी बनाउन जनप्रतिनिधि, स्वास्थ्यकर्मी तथा स्थानीय समुदायको सहकार्य र सहभागिता रहेको गाउँपालिकाले जनाएको छ।
