Author: Multi Media

साउन २० , दमक / शिबसताक्षी–७ फाक्तेपस्थित बालसेवा आधारभुत विद्यालय व्यवस्थापन समितिको अध्यक्षमा पुनः गोविन ल्वागुन चयन भएका छन् ।

आज (सोमबार) अभिभावकहरुको भेलाले पत्रकारसमेत रहनुभएका युवा नेता ल्वागुनलाई बालसेवा आधारभुत विद्यालय व्यवस्थापन समितिको अध्यक्षमा सर्वसम्मत चयन गरेका हुन् ।
पत्रकारितासंगै राजनीतिक र सामाजिक सेवामा सक्रिय ल्वागुन यसअघिको व्यवस्थापन समितिको अध्यक्ष हुन् । उनी लामो समयदेखि विद्यालय व्ग्यवस्थापन समितिका सदस्य पदमा रहेर जिम्मेवारी पुरा गरिआएका छन् ।

ल्वागुन समाजवादी प्रेष संगठन, नेपाल झापाका अध्यक्ष हुन् भने सताक्षी प्रेष क्लब शिबसताक्षीका वरिष्ठ उपाध्यक्ष हुन् । उनी बालसेवा आधारभुत विद्यालयका विद्यार्थी हुन् ।
विद्यालय व्यवस्थापन समितिका सदस्यहरुमका प्रेम रोक्का, पवित्रा तामाङ, सृजना रेग्मी, भुवनकुमारी शेर्मा, दुर्गाप्रसाद फुयाल चयन भएका छन् । विद्यालयका प्रधानध्यापक वेनुप्रसाद कार्कीका अनुसार व्यवस्थापन समितिमा शिक्षक प्रतिनिधि गणेशराज कटुवाल रहनुभएको छ ।

त्यस्तैं, आजै विद्यालयमा आयोजित अभिभावक र शिक्षकहरुको भेलाले हेमा खड्गीको अध्यक्षतामा शिक्षक अभिभावक संघ गठन गरिएको प्रधानध्यापक कार्कीले जानकारी दिनुभयो ।

दमक, २०८२ साउन २० – झापाको दमकस्थित अर्किड एकेडेमी मन्टेस्वरी विद्यालयमा एक दिने निःशुल्क स्वास्थ्य शिविर सम्पन्न गरिएको छ। विद्यालयमा बढ्दो बालबालिकाको दन्त समस्या र अभिभावकहरूको स्वास्थ्यप्रतिको चासोलाई मध्यनजर गर्दै आयोजना गरिएको उक्त शिविरमा ४७५ जनाले स्वास्थ्य परीक्षण गराएका छन्।

विद्यालयको आयोजना र ओम शान्ति डेन्टल क्लिनिकको प्राविधिक सहयोगमा सम्पन्न शिविरमा २५० जना विद्यार्थी, २०० जना अभिभावक तथा २५ जना शिक्षक र कर्मचारीको स्वास्थ्य परीक्षण गरिएको थियो। दाँतको सघन जाँच, नाक, कान, घाँटीको प्रारम्भिक परीक्षण र मुख स्वास्थ्यसम्बन्धी सचेतना कार्यक्रमसमेत सञ्चालन गरिएको थियो।

ओम शान्ति डेन्टल क्लिनिकका पाँच सदस्यीय चिकित्सक टोलीको सहभागितामा सञ्चालन भएको शिविरमा प्रत्येक बिरामीको विवरण फारममा संकलन गरी अभिभावकलाई रिपोर्ट कार्ड प्रदान गरिएको थियो। परीक्षणमा देखिएका समस्याअनुसार प्राथमिक उपचार सल्लाह र आवश्यक भएमा थप उपचारको सिफारिस गरिएको थियो।

विद्यालयका प्रधानाध्यापक लक्ष्मी नेपालले विद्यार्थी र अभिभावक समुदायको स्वास्थ्यप्रतिको जागरूकता अभिवृद्धि गर्न यस्ता कार्यक्रम प्रभावकारी हुने विश्वास व्यक्त गर्नुभयो। उहाँले अन्य स्वास्थ्य क्षेत्रहरूलाई समेटेर आगामी दिनमा थप शिविर आयोजना गर्ने योजना रहेको जानकारी दिनुभयो।

दन्त चिकित्सक ड कास्मी श्रेष्ठले बालबालिकामा मुख सफाइको सही तरिका सिकाउनुलाई प्राथमिकता दिइएको उल्लेख गर्दै नियमित सरसफाइबाट धेरै दन्त समस्याहरू समाधान गर्न सकिने बताउनुभयो।

ओम शान्ति डेन्टल हस्पिटलका सञ्चालक कमल गैरेले यस शिविरको माध्यमबाट विद्यालयका विद्यार्थीहरूलाई दन्त स्वास्थ्यका बारेमा सन्देश फैलाउन मद्दत पुगेको बताए। साथै, हस्पिटलले एक्सरे र ओपिडी सेवामा नि:शुल्क सेवा र अन्य दन्त उपचारमा २० प्रतिशत छुट उपलब्ध गराइरहेको जानकारी दिएका छन्।

ओम शान्ति डेन्टल क्लिनिक र अर्किड एकेडेमी मन्टेस्वरी विद्यालयको संयुक्त प्रयासले सम्पन्न स्वास्थ्य शिविरले विद्यालय समुदायमा सकारात्मक सन्देश प्रवाह गरेको आयोजकले जनाएको छ। विद्यालयले यस्ता कार्यक्रमलाई आगामी दिनमा पनि निरन्तरता दिने प्रतिबद्धता जनाएको छ।

साउन, १९ दमक / राष्ट्रिय परीक्षा बोर्डले कक्षा १२ को नतिजा सार्वजनिक गरेको छ । सोमबार साँझ बोर्डले नतिजा सार्वजनिक गरेको हो ।यस वर्ष कुल ५ लाख ११ हजार ५ सय २५ परीक्षार्थी सहभागी भएका थिए । जस मध्ये ६१ दशमलव १७ प्रतिशत उत्तिर्ण भएका छन् भने १३ हजार ५ सय ३ जनाले ४ जीपीए ल्याउन सफल भएका छन् ।

त्यस्तै ३.६० GPA ल्याउने ५५ हजार ८ सय ९६ जना, ३ दशमलव २० GPA ल्याउने ९४ हजार २ सय ६८ जना, २ दशमलव ८० GPA ल्याउने ६९ हजार ८ सय १२ जना, २ दशमलव ४९ GPA ल्याउने ८ हजार ९ सय ६४ जना र २ GPA ल्याउने २३ जना रहेका छन् ।

यसपटक अनुत्तीर्ण हुने अथवा एनजी ल्याने १ लाख ५३ हजार ८ सय ८२ जना रहेका छन् । सबै भन्दा बढि एनजी अंग्रेजी विषयमा ६६ हजार २ सय ७५ जनाले ल्याएका छन्। सोमबार बोर्डले नतिजा सार्वजनिक गर्न गरेको पत्रकार सम्मेलनमा अध्यक्ष महाश्रम शर्माले नियमित तर्फ ११ र आंशिक तर्फ ६ जना गरी कुल जम्मा १७ जनाको परीक्षाफल रद्द गरिएको जानकारी दिनुभयो ।

बोर्डका अध्यक्ष महाश्रम शर्माका अनुसार आगामी भदौ २८ र २९ गते पूरक परीक्षा(ग्रेड वृद्धि) हुनेछ । गत वैशाख २१ गते देखि सञ्चालन गरिएको परीक्षामा पाँच हजार २०२ विद्यालयका नियमिततर्फ एक लाख ९८ हजार ८७५ छात्र र एक लाख ९७ हजार १३ छात्रा गरी तीन लाख ९५ हजार ९०८ परीक्षार्थी सहभागी भएका थिए । त्यस्तै आंशिकतर्फ एक लाख १५ हजार ६१७ जना गरी कुल पाँच लाख ११ हजार ५२५ परीक्षार्थी सहभागी भएका थिए ।

दमक, साउन १९ – झापाको दमकमा आधारभूत ब्युटी पार्लर तालिम सम्पन्नसँगै प्रमाणपत्र वितरण कार्यक्रम सम्पन्न भएको छ। दमक नगरपालिका महिला, बालबालिका तथा जेष्ठ नागरिक शाखाको आयोजना र चन्द्रसूर्य सीप विकास संस्थाको सहकार्यमा तालिम तथा समापन कार्यक्रम सम्पन्न गरिएको हो।

दमक नगरपालिकाका मेयर रामकुमार थापाको प्रमुख आतिथ्यता र उपप्रमुख रेगिना भट्टराई प्रसाईको विशिष्ट आतिथ्यमा कार्यक्रम सम्पन्न भएको हो। आर्थिक वर्ष २०८१/८२ अन्तर्गत महिला लक्षित कार्यक्रमअन्तर्गत जेठ ४ गतेदेखि सुरु गरिएको तालिम साउन १९ गते सम्पन्न भएको हो।

३५ दिने ३९० घन्टे तालिममा प्रशिक्षक सुनिता राईले सहभागीहरूलाई ब्युटी पार्लर सम्बन्धी विभिन्न सीपहरू प्रदान गर्नुभएको थियो। कार्यक्रममा मेयर रामकुमार थापाले सिप सिकेर मात्र नहुने, सिकेको सीपलाई व्यवहारमा उतार्नुपर्नेमा जोड दिनुभयो। दमक नगरपालिकाले सीप सिकेका व्यक्तिहरूलाई आवश्यक सहयोग गर्ने प्रतिवद्धता पनि उहाँले व्यक्त गर्नुभयो।

त्यस्तै उपप्रमुख रेगिना भट्टराई प्रसाईले सिटिइभिटीसँग आबद्ध तालिम भएकोले देश तथा विदेशमा प्रमाणपत्र मान्य हुने बताउँदै सहभागीहरूलाई सिकेको सीपको सही सदुपयोग गर्न आग्रह गर्नुभयो। उहाँले आगामी दिनमा अध्ययन तथा व्यवसायिक क्षेत्रमा एआइ प्रविधिको उपयोगमा पनि जोड दिनुभयो।

महिला, बालबालिका तथा जेष्ठ नागरिक शाखा प्रमुख सरिता भण्डारीले चन्द्रसूर्य सीप विकास संस्थाले प्रविधिसहित सुलभ मूल्यमा तालिम प्रदान गरेको भन्दै प्रशिक्षार्थीहरूलाई व्यावसायिक क्षेत्रमा आत्मनिर्भर बन्न आग्रह गर्नुभयो। त्यस्तै दमक नगरपालिका स्वास्थ्य शाखा प्रमुख ब्रजेश कुमार मेहता लेखले ब्युटी पार्लर सम्बन्धी सीपहरू छालासम्बन्धी स्वास्थ्यसँग प्रत्यक्ष जोडिएको हुनाले सचेतपूर्वक अभ्यास गर्नुपर्नेमा जोड दिनुभयो।

प्रशिक्षार्थी एलिसा चापागाईंले तालिम अत्यन्त प्रभावकारी रहेको र सिकेको सीपलाई स्वदेशमै उपयोग गर्दै आत्मनिर्भर बन्ने योजना रहेको बताउनुभयो। कार्यक्रमको अध्यक्षता चन्द्रसूर्य सीप विकास संस्थाका अध्यक्ष विष्णु अधिकारीले गर्नुभएको थियो। कार्यक्रममा सहभागी सम्पूर्ण प्रशिक्षार्थीहरूलाई प्रमाणपत्र वितरण गरिएको थियो।