भदौ ६, शिवशताक्षी / कुशे औशीसहित हरितालिका तीजको अवसर पारेर शुक्रबार शिबगञ्जमा बुबा सम्मान तथा सामुहिक दर खाने कार्यक्रम भएको छ ।शिबसताक्षी–६ शिबगञ्जस्थित वडा कार्यालयले दुई सस ५० जना बुबाहरुलाई टोपी लगाएर सम्मान गर्नुका साथै हरितालिका तीजको अवसरमा आमा दिदीबहिनीहरुलाई सामुहिक दर खुवाइएको छ ।
वडाध्यक्ष मनोज खुलाल कार्कीको अध्यक्षतामा र नगर प्रमुख मेघाहाङ (रोशन) थोप्राको प्रमुख आतिथ्यतामा कार्यक्रम सम्पन्न भएको थियो ।वडा कार्यालय परिसरमा आयोजित कार्यक्रममा नगर प्रमुख थोप्रोले नेपाली समाजमा सवै खाले चार्डपर्वको आ–आफ्नै अर्थ, महत्व, गरिमा र धार्मीक तथा साँस्कृतिक पक्षहरु रहेको बताउनुभयो ।
कार्यक्रमका प्रमुख अतिथिसमेत रहनुभएका नगर प्रमुख थोप्राले कुशे औशीमा बुबाप्रती श्रद्धासम्मान र हरितालिका तिजको महत्व, अर्थ, गरिमा र धार्मीक तथा साँस्कृतिक मूल्य र मान्यताहरु रहिआएको बताउनुभयो ।कार्यक्रममा शुभकामना बिचारहरु राख्नुहुँदै नगर प्रमुख थोप्राले हरितालिका तीजमा महिला दिदीबहिनीहरुले स्वतन्त्रता, अधिकार, एकता, धार्मीक र साँस्कृतिक शक्तिको रुपमा लिनुपर्नेमा जोड दिनुभयो ।
कार्यक्रममा कनकाई नहर सिँचाई व्यवस्थापन समितिका अध्यक्ष एबम् नेपाली कांग्रेस झापाका सहसचिव कमल भण्डारी, शिबगञ्ज बहुमुखी क्याम्पसका अध्यक्ष मिलनकुमार ढुंगाना, स्थानीय बुद्धिजिवी बिष्णुप्रसाद खतिवडा, नगरपालिकाका योजना अधिकृत प्रकाशचन्द्र चौधरी, आदिवासी जनजाती महासंघ शिबसताक्षीका अध्यक्ष धनबहादुर राईलगायतका वडा प्रतिनिधिहरु, पूर्व जनप्रतिनिधिहरु, सामाजिक संघसंस्था तथा राजनीतिक दलका प्रतिनिधिहरुको उपस्थिति थियो ।
सो अवसरमा जन आदर्श माध्यमिक विद्यालयकी विद्यार्थी प्रजिता भण्डारीले तीजसम्बन्धि कविता बाचन गरेका थिइन् । वडा कार्यालयकी कर्मचारी समिक्षा भेटुवालले तीज गीतमा नृत्य प्रस्तुत गरेका थिइन् ।त्यस्तैं, जन आदर्श माध्यमिक विद्यालयका स्काउट विद्यार्थीहरुले स्वागत गीत नृत्य मार्फत कार्यक्रमलाई मनोरञ्जनात्मक बनाएका थिए ।
कार्यक्रममा वडाध्यक्ष कार्कीले वडावासीको समस्या, सेवासुविधा, विकास र संमवृद्धिका लागि वडा कार्यालयले नीतिगत योजना र कार्यक्रमहरु ल्याइरहेको बताउनुभयो ।वडाध्यक्ष कार्कीले वडाभित्र मुख्यगरी शिक्षा, स्वास्थ्य, कृषि, सडक, सुरक्षा, पूर्वाधार र सशक्तिकरणतर्फ समुदायतर्फ खर्च गरिरहेको जानकारी दिनुभयो ।
त्यसक्रममा वडा अध्यक्ष कार्कीले आजको शिबगञ्ज निर्माणमा विभिन्न समयमा निर्वाचित जनप्रतिनिधिहरु, बुद्धिजीविहरु, सामाजिक तथा राजनीतिक अगुवाहरु र पेशाकर्मीहरुप्रति आभारसहित कृतज्ञता प्रकट गर्नुभयो । त्यस्तैं, दिवगंत हुनुहुने शिबगञ्जनका पूर्व जनप्रतिनिधिहरु, पुराना व्याक्तित्वहरुको योगदानप्रति स्मरणगर्दै श्रद्धासम्मान व्यक्त गर्नुभएको थियो ।
कार्यक्रममा पूर्व जनप्रतिनिधि उषा केसी, रेडक्रसकर्मी तथा पूर्व शिक्षक नारायणप्रसाद दाहाल, पूर्व शिक्षका गंगाराम खनाल, एकीकृत समाजवादीका नेता सन्तोष इजम, एमाले नेता सुजन भेटुवाल, कांग्रेस नेता शेरबहादुर खढ्का, वडा कार्यालय भवनका लागि जग्गादाताहरु, प्रहरी, शिक्षक, विद्यार्थीहरु, व्यवसायी, पत्रकारहरुको लगायतको उपस्थिति थियो ।
वडा सदस्य नरेन्द बस्नेतले स्वागत मन्तव्य राख्नुभएको थियो । औपचारिक कार्यक्रमपछि तीज गीतहरुमा सहभागिहरुले नृत्य प्रस्तुत गरेर कार्यक्रमलाई मनोरञ्जनात्मक बनाएका वडाध्यक्ष कार्कीले जानकारी दिनुभयो ।
