पुष २५, दमक / पतंजली योग दमक नगर समितिको अध्यक्षमा रोहित (किरण) उप्रेती सर्वसम्मत चयन भएका छन् ।इलामको चुलाचुलीस्थित पर्यटकीयस्थल चपेटीमा आज आयोजित बनभोजसहित तेस्रो वार्षिक साधारणसभाले उप्रेतीको अध्यक्षतामा पतंजली योग दमक नगर समिति गठन भएको हो । समितिको महासचिवमा शेखर अधिकारी, सचिवमा रमेश दाहाल, संगठन सचिवमा रिङकुमार आचार्य, कोषाध्यक्षमा नन्दकुमार राई, प्रमुख प्रशिक्षक लक्ष्मी श्रेष्ठ, मिडिया प्रभारी भोलाप्रकाश ओझा रहनुभएको छ ।

त्यस्तैं, समितिका सदस्यहरुमा राजन दाहाल, भजेन्द्र श्रेष्ठ, रुद्र खतिवडा, संजिव रिमाल, राजकुमार खड्का, भिम सुवेदी, ख्याम गौतम, राजु मिश्र चयन हुनुभएको छ ।आजै, सम्पन्न वार्षिक साधारणसभाले उमेश घिमिरेको संयोजकत्वमा सल्लाहकार समिति गठन भएको छ । समितिको सदस्यहरुमा तारा उप्रेती, रणजित बस्नेत र अम्बिका खनाल रहनुभएको छ ।समितिका अध्यक्ष दुर्गाप्रसाद भण्डारीको अध्यक्षतामा र पतंजली योग पीठ नेपाल कोशी प्रदेशका महासचिव लक्ष्मी काफ्लेको प्रमुख आतिथ्यतामा कार्यक्रम भएको थियो । सो अवसरमा प्रमुख अतिथि काफ्लेले नवगठित समितिका अध्यक्षसहित पदाधिकारी र सदस्यहरुको नामावली घोषणा गर्नुभएको थियो ।

कार्यक्रममा अध्यक्ष दुर्गा प्रसाद भण्डारीले दमक नगर समिति स्थापनाकालदेखि हालसम्मका संस्थागत विषयलाई समेटेर तयार पारिएको प्रतिववेदन पेश गर्नुभएको थियो । वहाँले दमक नगरपालिकालाई योगमय बनाउने अभियानमा जोडिनुभएको अग्रज व्याक्तित्वहरुका योगदानदेखि विभिन्न घट्नाहरुको स्मरण गर्नुहुँदै योग गुरु तथा योग शिक्षिकाहरुलाई आभार तथा धन्यवाद दिनुभएको थियो ।सो कार्यक्रममा पतंजली योग कोशी प्रदेश सदस्य मिना कोइराला पतंजली योग झापा उपाध्यक्ष शशिल निरौला, जिल्ला मिडिया प्रभारी सोमनाथ आचार्य, कमल गाउँ अध्यक्ष त्रिलोलन गौतम, महामन्त्री मोहन खनाल, दमक उद्योग बाणिज्य संघका पूर्वअध्यक्ष राजेन्द्र ढकाल, सूर्य दर्शन वचत तथा ऋण सहकारी संस्थाका कर्जा प्रमुख तथा योग गुरु इश्वर नेपाल, सूर्य दर्शन वचत तथा ऋण सहकारी संस्थाका बजार प्रमुख तथा योग गुरु राजकुमार खड्का लगायतको उपस्थिति थियो ।

कार्यक्रममा नवगठित समितिको तर्फबाट अध्यक्ष उप्रेतीले प्रतिवद्धता भनाईहरु राख्नुभएको थियो । उप्रेतीले दमकमा योग साधानासम्बन्धि गतिविधिहरुलाई आगामी वर्ष अझ बढी प्रभावकारी बनाइने बताउनुभयो ।बार्षिक साधारणसभा सञ्चालन हुनुअघि म्यूजिकल चियर, हण्डीफोर, गीत, कविता र नृत्यहरु प्रस्तुत गरिएको थियो । सोही अवसरमा सामुहिक बनभोजसमेत गरिएको थियो ।