दमक/ झापाको दमकमा एक बालकको डुबेर मृत्यु भएको छ । मृत्यु हुनेमा दमक नगरपालिका- ९ का ११ वर्षीय रमन धिमाल रहेको प्रहरीले जनाएको छ ।
दमक-९ स्थित टुकुरे र बेतनी खोलाको दोभानमा डुबेर हिजो दिउँसोदेखि बेपत्ता भएका उनको शव आज बिहान फेला परेको हो । उनी पाणिनी माध्यमिक विद्यालयमा कक्षा ६ मा अध्ययनरत थिए । शवको कानुनी प्रक्रिया पूरा गरी घटनाको बारेमा थप अनुसन्धान गरिरहेको इलाका प्रहरी कार्यालय दमकले जनाएको छ ।
