दमक, १६ साउन–कमल नगर अस्पतालको समन्वय र दमकस्थित थुलुङ डेन्टल क्लिनिकका विशेषज्ञ डाक्टरहरुको टोलीले आज कमल-२ क्याम्पास्थित पाथिभरा अंग्रेजी स्कुलमा मुख तथा दन्तसम्बन्धी एक दिने निःशुल्क शिविर सम्पन्न भएको छ ।

शुक्रबार, सो स्कुलमा आयोजित शिविरमा विद्यार्थीहरु, शिक्षकहरु र अभिभावकहरुसहित तीनसय ५० जनाले मुख तथा दन्तसम्बन्धी उपचार र परिक्षण गराएका छन् ।क्याम्पास्थित कमल–२ वडा कार्यालयको आयोजनामा वडाभित्रका सामुदायीक तथा निजी विद्यालयहरुमा मुख तथा दन्तसम्बन्धी शिविर सञ्चालन हुँदै आइरहेको छ ।

यसबीचमा कमल–२ मा अवस्थित कमला मदन आश्रित स्मृती माध्यमिक विद्यालय, विद्योदय अंग्रेजी माध्यमिक विद्यालयसहित पाथिभरा अंग्रेजी विद्यालयमा शिविर सम्पन्न भएको छ। थुलुङ डेन्टल क्लिनिककी सञ्चालिका डाक्टर सोफिया थुलुङसहित विशेषज्ञको टोलीले परिक्षण गरेका थिए । वडा कार्पालयले वडाभित्रका सवै विद्यालयमा विद्यार्थीहरुको नियमित स्वास्थ्य परिक्षण कार्यक्रमहरु सञ्चालनमा ल्याईसकेको छ ।