दमक । झापाको कमल गाउँपालिका–५, पाडाजुङ्गीस्थित स्मारिका सामुदायिक बोर्डिङ स्कुलले नेपालीहरूको महान् चाड बडादशैंलाई लक्षित गर्दै विद्यार्थीलाई टीका लगाएर पर्व मनाएको छ।
विद्यालयका प्रधानाध्यापक गुणराज गिरीले विद्यार्थीलाई दशैंको टीका लगाइदिँदै आशीर्वाद प्रदान गर्नुभएको थियो। बालबालिकालाई नेपाली संस्कार, संस्कृति र परम्पराबारे व्यावहारिक ज्ञान प्रदान गर्ने उद्देश्यले विद्यालयले विभिन्न चाडपर्वमा विद्यार्थीको सहभागितामा यस्ता कार्यक्रम आयोजना गर्दै आएको जनाएको छ।
यसैगरी, छठ पर्वको मौलिकता झल्काउने उद्देश्यले विद्यालय परिसरमै पिङ निर्माण गरी पर्वसँग जोडिएका परम्परागत गतिविधिलाई प्रोत्साहन गर्ने काम गरिएको प्रधानाध्यापक गिरीले जानकारी दिनुभयो।
पुस्तकमा मात्र सीमित नराखी व्यवहारबाटै नेपाली संस्कार र संस्कृतिबारे विद्यार्थीलाई जानकारी गराउने उद्देश्यले यस्ता कार्यक्रम सञ्चालन गरिएको विद्यालयले जनाएको छ। यस्ता गतिविधिले नयाँ पुस्तामा नेपाली मौलिक संस्कृति, परम्परा र चाडपर्वप्रतिको महत्व बुझाउन सहयोग पुग्ने अपेक्षा गरिएको छ।
