असोज २८, दमक । दमक ६ बेलडाँगी रोडस्थित मुख्य कार्यालय रहेको स्वर्णलक्ष्मी बचत तथा ऋण सहकारी संस्था लिमिटेडले आफ्नो १६ औ वार्षिक साधारणसभा सम्पन्न गरको छ ।
मंगलवार कस्मिक पार्टी प्यालेसमा आयोजित साधारण सभालाई सफलताको शुभकामना दिँदै कार्यक्र्रमका प्रमुख अतिथि नेप्स्कुनका महासचिव घनश्याम अधिकारीले सहकारीविनाको समाज परिकल्पना गर्न नसकिने बताउनु भयो । वहाले देशभर फैलाईएको सहकारीहरुको नकारात्मक प्रचारलाई चिर्न हरेक सहकारी सञ्चालकहरु आफै संयमित र इमान्दर भएर काम गर्न अग्रह गर्नु भयो।
कार्यक्रमका विशिष्ट अतिथि दमक नगर उपप्रमुख रेगिना भट्टराई प्रसार्ईले देशमा एकपछि अर्को संकट आइरहेकाले सबै ब्यवसायहरु धरासायी बनेको उल्लेख गर्नुभयो। वहाले जेन्जी आन्दोलनको चपेटोमा दमक नगरपनि परेको, ठूलो धनजनको क्षति भएको भन्दै लयमा फर्किन समय लाग्ने बताउनु भयो।
ब्यवस्थापक कल्वका अध्यक्ष खेम बगालेले सहकारी संरक्षणको दायित्व सरकारको पनि भएको भन्दै सरकारमा जो आएपनि सरकारी कर्जा छुट गर्ने हल्लाका पछि सरकार लाग्न नहुने बताए । उनले भने, सरकारमा जो आओस् तर सरकारी कर्जा छुट हुने छैन ।
संस्थाले विभिन्न विधाका ब्याक्तित्वहरु र कर्मचारीलाई सम्मान गरेको छ ।सम्मानित हुनेहरुमा सञ्चारकर्मी विमल लामिछाने, अग्रज तुलसीराम प्रसाईं, कर्मचारीहरु कमल गड्तौला (फिल्ड उत्कृष्ट), बसन्त भट्टराई (हिरो अफ द स्वर्णलक्ष्मी), निर्मल धिमाल , झलक गौतम, रमेश वोहोरा, आशिष कार्की लगायत सम्मानित भएका छन् । यसैगरी शिक्षा क्षेत्रमा उत्कृष्ठ हुने शेयर सदस्यका छोराछोरीमध्येबाट छात्रा अनुदिता कोइराला र छात्र तर्फ सौरव सहनी नगद रासी सहित सम्मानित भएका छन् ।
वार्षिक चुनावी साधारणसभा बुद्धिसागर बरालको अध्यक्षतामा (पाँचौ कार्यकाल) आगामी चार वर्षको निम्ति ९ सदस्य समितिको चयन गर्दै सम्पन्न भएको छ। उपाध्यक्षमा सन्जिब रिमाल, सचिब चन्द्रमाया निरौला, कोषाध्यक्षमा प्रेमकुमारी रिजाल, सदस्यहरु दिनेशकुमार अधिकारी, राजेन्द्र श्रेष्ठ, भिमबहादुर रायमाझी, भरतकुमार ढकाल, गगा पौडेल चयन भएका छन् । लेखा सुपरिबेक्षण समितितर्फ संयोजक गायत्रीप्रसाद पराजुली, सदस्यहरु, अभिचन्द्र प्रसाईं र शुशिला काफ्लेलाई चयन गरेको छ ।
उक्त साधारण सभाले आब ०८१÷०८२ को संचालक समितीको तर्फबाट पेश गरेको प्रतिबेदन, लेखासुपरीबेक्षण समितिले पेश गरेको प्रतिबेदन, बाह्यलेखा परिक्षकको प्रतिबेदन शहित आगामी वर्षको नीति कार्यक्रम योजना र बजेट पारित गर्दै सम्पन्न भएको छ ।
कार्यक्रमा दमक उद्योग बाणिज्य संघका अध्यक्ष देवीप्रसाद गुरागाईँ, जिल्ला सहकारी संघ झापाका लेखा सुपरिवेक्षण समिति संयोजक चुडामणी ओझा, संस्थाका संस्थापक अध्यक्ष बासु काफ्ले, जिल्ला बचत तथा ऋण सहकारी संस्थाका अध्यक्ष तुलाराम न्यौपाने, जिल्ला सहकारी संघ झापाका अध्यक्ष प्रेमकुमार कोइराला लगायतले साधारण सभा सफलताको शुभकामना ब्यक्त गर्नु भएको थियो ।
