चैत २९, दमक / किरात राई यायोक्खा दमक–७ वडा समितिको तेस्रो वार्षिक साधारण सभा सम्पन्न भएको छ। शनिबार सम्पन्न सभाबाट लालसुन्दर राई सर्वसम्मत रूपमा अध्यक्षमा चयन भएका छन्। दमक–७ स्थित संस्थाको कार्यालयमा आयोजित साधारण सभाले ६ सदस्यीय कार्यसमिति गठन गरेको हो। समितिको उपाध्यक्षमा बिनोद तिम्वाली राई र बुद्ध थुलुङ राई चयन भएका छन् भने सचिवमा महावीर राई, सहसचिवमा विनोद राई, कोषाध्यक्षमा रिता चाम्लिङ राई र सहकोषाध्यक्षमा जयन्ती राई चयन भएका छन्।

त्यस्तै सदस्यहरूमा कमलबहादुर राई, निर्माया राई, ध्यानबहादुर राई, रविन राई, बिमला राई र नवीनचन्द्र राई चयन भएका छन्। साथै सल्लाहकार समितिमा भूमि राई, अविलाल राई र कमल राईलाई चयन गरिएको छ। कार्यक्रममा दमक नगरपालिका वडा नम्बर ७ का वडा सदस्य अतित बान्तवा राई प्रमुख अतिथिका रूपमा सहभागी थिए।

नवनिर्वाचित अध्यक्ष लालसुन्दर राईले संस्थाको मुख्य उद्देश्य किरात राई समुदायको धर्म, संस्कृति संरक्षण तथा पुस्तान्तरण गर्नु रहेको बताए। उनले आगामी दिनमा समुदायलाई एकताबद्ध गर्दै सांस्कृतिक पहिचान जोगाउने कार्यलाई थप प्रभावकारी बनाउने प्रतिबद्धता व्यक्त गरे।