वैशाख २५, दमक / काठमाण्डौंका भूमिहिन सुकुम्वासीहरुलाई डोजर चलाएर उठीबास गरेको प्रति विरोध जनाउदै श्रम संंस्कृति पार्टीले बिरोध रयाली झापाको दमकमा निकालेको छ ।श्रम संस्कृति पार्टीले शुक्रबार दमकमा डोजर आँतक बन्द गर लगायतका नारा वाजी गर्दै प्रधानमन्त्री वालेन्द्र शाह सरकारको विरोध गरेको हो । श्रम संस्कृति पार्टी दमक नगर समितिले दमक १ स्थित फाल्गुनन्द चोकबाट शुरु गरेको विरोध रयाली नगरपालिका रोड,हनुमान मन्दिर,थाना रोड र दमकको मुख्य डाँफे मुनाल चोक हुदै दमककै आकाशे पुलमा पुगेर कोण सभामा परिणत भएको थियो ।

कोण सभालाई सम्वोधन गर्दै पार्टीका केन्दीय सचिव बबिन शेर्माले मुलुक भरिका ६० लाख सुकुम्वासीलाई सरकारले विच्चलीमा पारे गत भदौं २३र २४ गतेको जस्तो घटना दोहोरिने चेतावनी दिनु भयो । सुकुम्वासीको वास्तविक समस्यालाई सरकारले नबुझे र दम्भ देखाएर दमन गरी रहे मुलुक भरिका सुकुम्वासीहरुले बालेन सरकारको सत्ता बहियर गमन गराउने केन्द्रीय सविव शेर्माको धारण रहेको छ ।

यसै गरी पार्टीका केन्द्रीय सदस्य मेघराज दुलालले चुपचाप घण्टी छापको परिनाम बालेन सरकारले डोजर लगाएर सुकुम्वासीको घर भत्काएको बताउनुभयो । अहिलेको सरकार सचिने भन्दा पनि दमनमा उत्रिएको हुदा सुकुम्वासीहरु एक भएर प्रतिवाद गर्नु पर्ने दुलालको सुझाव रहेको पार्टीका नगर सचिव सन्त किरातीले बताउनु भयो । पार्टीका दमक नगर समिति अध्यक्ष पुजा लक्ष्मी गुरुङ्गले सुकुम्वासीहरु बसोवास गरेको जमिन सरकारी हो भने सुकुम्वासीहरु सरकारकै जनता होइन । उनीहरुको संरक्षण गर्ने बालेन सरकारको के दायित्व होइन भन्दै नगर अध्यक्ष गुरुङ्गले प्रश्न गर्नु भयो ।