असाेज ५, दमक – सरस्वती माध्यमिक विद्यालयका १० जना जेहेन्दार विद्यार्थीलाई यस वर्ष पनि रोटरी दमक स्वर्गीय महेश्वरा देवी स्मृति छात्रवृति पुरस्कार प्रदान गरिएको छ।

रोटरी क्लब अफ दमकका रोटेरियन लेखनाथ न्यौपाने र उहाँको परिवारको पहलमा हरेक वर्ष वितरण हुने यस छात्रवृत्ति पुरस्कार कार्यक्रम रोटरी क्लब अफ दमकका अध्यक्षको अध्यक्षतामा सम्पन्न भएको हो। कार्यक्रममा सह-प्राध्यापक भगिरथ मिश्र प्रमुख अतिथिको रूपमा सहभागी हुनु भएको थियो भने कार्यक्रम सञ्चालन सचिव अम्बिका न्यौपानेले गर्नुभएको थियो।

कक्षा ११ र १२ मा अध्ययनरत ३ जना विद्यार्थीलाई जनही रु. ५,००० र ७ जना विद्यार्थीलाई जनही रु. २,००० प्रदान गरिएको थियो। यसरी कुल रु. २३,००० छात्रवृत्ति वितरणसँगै सूर्यदर्शन सहकारीको सहयोगमा ब्याग, कापी र कलम वितरण गरिएको थियो। साथै रोटेरियन प्रेसिडेन्ट इलेक्ट सागर श्रेष्ठले अतिरिक्त रु. ६,००० सहयोग गर्नुभएको थियो।

कार्यक्रममा रोट्रयाक्ट क्लब अफ दमकका अध्यक्ष दिवाकर पञ्चकोटी, रोटरी क्लबका पूर्व अध्यक्ष रो. सन्दिप चापागाई, रो. सागर श्रेष्ठ, रो. प्रेम देवकोटा, रो. रुद्र थापा, स्व. महेश्वरा देवीका परिवारका सदस्य छविराम न्यौपाने, गणेश न्यौपाने, लक्ष्मी न्यौपाने, सूर्यदर्शन सहकारीका निमित्त व्यवस्थापक राजकुमार खड्का, लेखा प्रमुख श्रेष्ठलगायतको उपस्थिति थियो। कार्यक्रम संयोजक एवं स्व. महेश्वरा देवीका पुत्र रो. लेखनाथ न्यौपानेले उपस्थित सबैलाई धन्यवाद ज्ञापन गर्नुभयो।