दमक, मङ्सिर ११ / दमक–५ दिपिनी मार्गमा अवस्थित रोयल पिज्जा हाउसले ग्राहकलाई नयाँ अनुभव दिने उद्देश्यका साथ ‘गेम जोन’ सेवा औपचारिक रूपमा सञ्चालनमा ल्याएको छ। क्याफे र रेस्टुरेन्टहरू धमाधम खुल्दै गएको अवस्थामा फरक आकर्षण सिर्जना गर्न सुरु गरिएको गेम जोन हाल बालबालिकादेखि युवा पुस्तासम्मको मुख्य केन्द्र बनिरहेको छ।
पब्जी, फिफा, टेकन, रेस्लिङ तथा ड्राइभिङ जस्ता लोकप्रिय eSports गेम खेल्न सकिने यो स्थानमा एकैपटक तीनवटा समूहले प्रतियोगितात्मक रूपमा खेल्ने सुविधा रहेको संचालक गौतमले बताए। उनका अनुसार नेपालमा पनि पछिल्लो समय eSports प्रगतिशील रूपमा अघि बढिरहेका छन् र सरकारले समेत यस क्षेत्रलाई प्राथमिकतामा राखेकाले दमकमा पनि यस्ता प्लेटफर्म आवश्यक ठानिएको हो।
मोबाइलका कारण सामाजिक भेटघाट घट्दै गएको, बालबालिका तथा युवामा एक्लोपन र तनावजस्ता समस्या बढ्न थालेको अवस्थालाई मध्यनजर गर्दै सामूहिक रूपमा गेम खेल्ने, साथीभाइ भेट्ने र तनाव कम गर्ने स्थानको आवश्यकता रहेकाले यो सुविधा सुरु गरिएको गौतमले जानकारी दिए।
रोयल पिज्जामा गेम मात्र होइन, चिया, कफी, खाजा तथा अन्य परिकारहरू मजासँग सेवन गर्दै मनोरञ्जन लिन सकिने व्यवस्था गरिएको छ। साथै, NPL तथा अंतर्राष्ट्रिय फुटबलजस्ता लाइभ गेमहरू ठूलो स्क्रीनमा हेर्न मिल्ने भएकाले खेलप्रेमीहरूका लागि यो थप आकर्षण बनेको छ।
सगरमाथा पेट्रोल पम्पबाट करिब ३०० मिटर भित्र रहेको रोयल पिज्जाको गेम जोन अहिले दमकको नयाँ ‘ह्याङआउट स्पट’ का रूपमा लोकप्रिय बन्दै गएको छ।
