शिवसताक्षी–११ दुधेमा चौथो स्वर्गीय कर्णबहादुर नेम्बाङ स्मृति भेट्रान फुटबल प्रतियोगिता २०८३ सञ्चालन हुने भएको छ। दुधे रंगशालामा हुने प्रतियोगितामा खेलकुदमार्फत स्वास्थ्य, मित्रता र सामाजिक एकतालाई मजबुत बनाउने उद्देश्यले प्रतियोगिता आयोजना गर्न लागिएको आयोजकले जनाएको छ। प्रतियोगितामा विभिन्न जिल्लाका भेट्रान टोलीहरूको सहभागिता रहनेछ भने अनुभवी खेलाडीबीच प्रतिस्पर्धात्मक तथा रोमाञ्चक खेल हुने अपेक्षा गरिएको छ। स्थानीय खेलप्रेमी दर्शकको उल्लेखनीय उपस्थितिसहित दुधे क्षेत्र खेलमय बन्ने तयारी गरिएको छ।
आयोजकका अनुसार प्रतियोगिताले पुराना खेलाडीहरूलाई पुनः मैदानमा जोड्नुका साथै युवा पुस्तामा खेलप्रतिको आकर्षण बढाउन महत्वपूर्ण भूमिका खेल्ने विश्वास लिइएको छ। प्रतियोगिताको विजेताले नगद १ लाख ५० हजार सहित ट्रफी मेडर र प्रमाणपत्र पाउने छन् भने उपविजेताले नगद ८१ हजार सहित मेडल ट्रफि र प्रमाणपत्र पाउने छन् ।
