Blog

दमक, २२ पुस–शिक्षासंगै परोपकार सेवामा सक्रिय रहँर्दै आइरहेको झापाको दमकमा सञ्चालित कर्नरस्टोन पाउण्डेशन स्कुलले इलामको माङ्सेबुङ–३, चुबुवाका बालबालिकालाई चिसो मौसममा न्यानो कपडा वितरण गरेको छ ।माङ्सेबुङ–३ चुबुबास्थित जनकल्याण आधारभूत विद्यालयमा आज (मंगलबार) कर्नरस्टोन स्कुलले त्यहाँ अध्ययनरत विद्यार्थीहरुलाई न्यानो कपडा वितरण गरेको हो । दुर्गमस्थानमा रहेको जनकल्याण आधारभूत विद्यालयमा आदिवासी जनजाती, दलित र कमजोर आर्थिक अवस्थाका विद्यार्थीहरु अध्ययनगर्ने गर्दछन् ।

कमजोर आर्थिक अवस्थाका बालबालिकाहरुलाई विद्यालयमा अध्ययननका लागि आवतजावत गर्न सहज बनाउन जाडो मौसममा न्यानो कपडा वितरण गरिएको कर्नरस्टोन फाउण्डेशन स्कुलका संस्थापक प्रिन्सिपल तथा पाष्टर युवराज गजमेरले जानबारी दिनुभयो ।स्कुलका संस्थापक प्रिन्सिपल तथा पाष्टर गजमेरका अनुसार सो विद्यालयका ८० जना भन्दा बढी विद्यार्थीहरुलाई जाडो मौसममा लगाउने ज्याकेट, स्विटर, ट्राउजर र टोपी वितरण गरिएको हो ।विद्यालयमा अध्ययनरत २ वर्षदेखि १३ वर्षसम्मका ८० जना विद्यार्थीहरुलाई न्यानो कपडा वितरण गरिएको कर्नरस्टोन फाउण्डेशन स्कुलका संस्थापक प्रिन्सिपल गजमेरले जानकारी गराउनुभयो । विद्यालय व्यवस्थापन समितिका अध्यक्ष रामकुमारी लिम्बूको अध्यक्षतामा कार्यक्रम सम्पन्न भएको थियो । कार्यक्रममा सामाजिक अगुवा बुद्धिजीवि पाष्टर राजकुमार नाछिरिङ राई, दमक नगर इसाई समाजका अध्यक्ष पाष्टर हेमन्त सुब्बा, पाष्टर राम राई, विद्यालयकी शिक्षिका अलिशा राई लगायतका व्याक्तित्वहरुको सहभागिता थियो ।

सो अवसरमा कर्नरस्टोन फाउण्डेशन स्कुलका संस्थापक तथा प्रिन्सिपल गजमेरले प्रवित्र कार्यको सुरुवात एक जनाबाट हुने र त्यस कार्यलाई एक दुई र चारहुँदै सिङ्गो समाज मिलेर वा हात्तेमालो गरेर अघि बढ्न जरुरी रहेको बताउनुभयो । वहाँले नानीबाबूहरुको शिक्षा र स्वास्थ्यमा हामी सवै एकजुट हुन पनि आग्रह गर्नुभयो ।

न्यानो कपडा वितरण कार्यक्रममा जनकल्याण आधारभूत विद्यालयका प्रधानध्यापक मनकुमार राईले कर्नरस्टोन फाउण्डेशन स्कुल र सो स्कुलका संस्थापक प्रिन्सिपल युवराज गजमेरसहित दमकको टोलीलाई धन्यवाद तथा आभार व्यक्त गर्नुभएको थियो ।

गौरादह, मङ्सिर १३ / पहिलो पाइला नेपाल गौरादह शाखाको आयोजनामा प्रगति माध्यमिक विद्यालयको सभाहलमा वक्तृत्वकला प्रतियोगिता सफलता पूर्वक सम्पन्न भएको छ। कार्यक्रम शाखा अध्यक्ष भूपेन्द्र निरौलाको अध्यक्षतामा तथा प्रथम उपाध्यक्ष निशा पौडेलको संयोजकत्वमा सञ्चालन गरिएको थियो।

कार्यक्रमका प्रमुख अतिथि गौरादह नगरपालिका–८ का वडाध्यक्ष गणेश कुमार राजवंशी रहनुभएको थियो भने विशिष्ट अतिथिको रूपमा प्रदेश प्रमुखको सचिवालय सदस्य, समाजसेवी तथा कार्यक्रमका प्रायोजक धर्मराज गुरागाईं उपस्थित हुनुुभएको थियो। अन्य अतिथिहरूमा विद्यालय व्यवस्थापन समितिका अध्यक्ष महाविर राजवंशी, प्रगति माविका सहायक प्रअ विष्णु लुईटेँल, गौरीगञ्ज क्याम्पस प्रमुख तथा प्रगति मावि भूतपूर्व विद्यार्थी समाजका उपाध्यक्ष भक्त भण्डारीलगायतको उपस्थिति रहेको थियो।

कार्यक्रमको निर्णायक मण्डलमा गौरीगञ्ज क्याम्पसका प्राध्यापक चित्र कुबेर डोटेल, अर्विन राजवंशी तथा खजुरगाछी माविका शिक्षक गोपाल बुढाथोकी रहेका थिए। स्वागत मन्तव्य संस्था सदस्य यमुना खत्रीले प्रस्तुत गरेकी थिइन्।

विशिष्ट अतिथि धर्मराज गुरागाईंले संस्थाले युवाहरूको व्यक्तित्व विकास र सामाजिक परिवर्तनमा महत्वपूर्ण भूमिका खेलिरहेको उल्लेख गर्दै आगामी दिनमा पनि निरन्तर साथ–सहयोग रहने प्रतिवद्धता जनाउनुभयो। त्यस्तै विभिन्न विद्यालयका शिक्षकहरूले पनि यस्ता कार्यक्रमले विद्यार्थीको क्षमता विकासमा टेवा पुग्ने जनाउँदै प्रशंसा व्यक्त गरेका थिए।

कार्यक्रममा ज्ञानकुञ्ज एकेडेमीका कक्षा ८ का विद्यार्थी मौलिक खतिवडाले कविता प्रस्तुत गरी कार्यक्रममा मनोरञ्जन थपेका थिए। प्रतियोगितामा गौरादह नगरपालिका भरिका ११ वटा विद्यालयले सहभागिता जनाएका थिए।

प्रतियोगितामा इमिनेन्ट कञ्चनजङ्गा माविकी छात्रा विपिसा पाठक प्रथम, जनता मावि गौरादह–१ का छात्र गोविन्द दाहाल द्वितीय, र नमुना माविका छात्र सम्पन्न बाबू कोइराला तृतीय भएका छन्।

विजेता विद्यार्थीहरूलाई क्रमशः नगद ३५००, २५०० र १५०० तथा प्रमाणपत्र प्रदान गरिएको थियो भने सहभागी सबै विद्यार्थीलाई पनि प्रमाणपत्र दिइएको थियो। कार्यक्रमका प्रायोजक धर्मराज गुरागाईं र खाजाको प्रायोजन गर्ने प्रगति मावि भूतपूर्व विद्यार्थी समाजलाई सम्मानपत्रद्वारा सम्मान गरिएको थियो।

कार्यक्रममा विभिन्न विद्यालयका शिक्षक, विद्यार्थी, समाजसेवी तथा पहिलो पाइला नेपाल गौरादह शाखाका पदाधिकारीहरू उपस्थित रहेका थिए। कार्यक्रमको संचालन शाखा सचिव प्रदिप धमलाले गर्नुभएको थियो।