Blog

साउन २५ , दमक / दमकस्थित मुख्य कार्यालय रहेकाे मेची बहुउद्देश्यीय सहकारी संस्था लि काे सञ्चालक समितिकाे साताै कार्यकालका लागि भएकाे निर्वाचनबाट अध्यक्षमा पुनः नारायण प्रसाद भट्टराई निर्वाचित भएका छन् ।

राष्ट्रिय सहकारी नियमन प्राधिकरणले २०८२ काे सहकारी मापदण्ड जारी गरेसँगै सञ्चालक समितिकाे संख्या अधिकतम ९ जनाकाे हुनुपर्ने व्यवस्था गरेकाे छ । सहकारीले पनि प्राधिकरणले व्यवस्था गरे अनुसार पुरानाे १५ जनाकाे सञ्चालक समितिकाे संख्या घटाएर ९ जनाकाे सञ्चालक समिति बनाएकाे छ ।

शनिबार भएकाे निर्वाचन कार्यक्रमबाट आगामी ४ वर्षे कार्यकालका लागि सञ्चालक समितिकाे अध्यक्षमा नारायणप्रसाद भट्टराई, वरिष्ठ उपाध्यक्षमा पदम थापा, महिला उपाध्यक्षमा मीनाकुमारी काेइराला, सचिवमा राजेन्द्रप्रसाद दाहाल, सदस्यहरुमा काशीनाथ थपलिया, डिल्लीप्रसाद न्याैपाने, सीता कार्की, गणेशबहादुर तामांग, नर्वदा उप्रेती र लेखा सुपरिवेक्षण समितिकाे संयाेजकमा पुन हरिप्रसाद चापागाई र सदस्यहरुमा कृष्णप्रसाद दाहाल, मञ्जु फुयाल सर्वसम्मत निर्वाचित भएका हुन् ।

साउन २४, दमक/ राष्ट्रिय प्रजातन्त्र पार्टी (राप्रपा) नेपाल दमक नगर समितिको एघारौँ नगर समिति अधिवेशनले हेम सुबेदीलाई पुनः नगर अध्यक्षमा सर्वसम्मत रूपमा चयन गरेको छ। शनिबार सम्पन्न अधिवेशनमा सुबेदीको नेतृत्वमा २१ सदस्यीय नगर समिति पनि सर्वसम्मत रूपमा चयन भएको हो।

चयन भएका सदस्यहरूको पद भने पार्टीको आगामी बैठकमार्फत तोकिने भएको छ। अधिवेशनले सर्वसम्मतिको आधारमा नयाँ कार्यसमिति गठन गर्दै संगठनलाई अझ मजबुत बनाउने प्रतिबद्धता जनाएको छ।

नगर अध्यक्ष सुबेदीको अध्यक्षतामा सम्पान्न कार्यक्रममा प्रमुख अतिथिका रूपमा पार्टीका केन्द्रीय अध्यक्ष राजेन्द्र लिङ्देन उपस्थित थिए। कार्यक्रममा उनले पार्टीको संगठन विस्तार, विचारधारात्मक स्पष्टता र जनतासँगको प्रत्यक्ष सम्पर्कलाई प्राथमिकता दिनु पर्नेमा जोड दिए। लिङ्देनले स्थानीय तहदेखि केन्द्रसम्मको संगठनात्मक सुदृढीकरणका लागि युवा र महिलाको सक्रिय सहभागिता आवश्यक रहेको पनि बताए।

अधिवेशनमा राप्रपा कोशी प्रदेश अध्यक्ष रामकुमार थापा, प्रदेश सचिवद्वय वासुदेव भट्टराई र कुमार भट्टराई, केन्द्रीय सदस्य एवं पर्यवेक्षक ईनु अधिकारी, केन्द्रीय सदस्य लक्ष्मीप्रसाद संग्रौला, प्रदेश संगठन विभाग प्रमुख जयबहादुर श्रेष्ठ, युवक संगठन केन्द्रीय सदस्यहरू बिक्रम सुब्बा र हरी तिवारीको उपस्थिति रहेको थियो । यसैगरी झापा जिल्ला अध्यक्ष केशवप्रसाद ओझा, जिल्ला सचिव कुमार थापा, प्रदेश सदस्यहरू राजु खड्का र कुमार बस्नेत, राष्ट्रिय प्रजातान्त्रिक युवक संगठन कोशी प्रदेश संयोजक राजकुमार योङ्या, झापा क्षेत्र नं. ५ का अध्यक्ष भीम पौडेललगायतको पनि उपस्थिति थियो।

कार्यक्रममा विभिन्न वक्ताहरूले पार्टीको वर्तमान राजनीतिक यात्रा, आगामी निर्वाचनमा हासिल गर्ने लक्ष्य तथा संगठनलाई जनस्तरमा लोकप्रिय बनाउन अपनाइने रणनीतिबारे धारणा राखेका थिए। उनीहरूले विशेष गरी स्थानीय मुद्दामा जनताको आवाजलाई प्राथमिकताका साथ उठाउँदै समाधानका लागि दबाब सिर्जना गर्नुपर्नेमा जोड दिए। कार्यक्रममा पार्टिलाई योगदान पुर्याएका जेष्ठ नागरिकलाई सम्मान समेत गरिएको थियो ।

साउन २४ , दमक/ सञ्चारकर्मी तथा प्रेस चौतारी नेपाल झापाका सक्रिय सदस्य सुजन गौतम राष्ट्रिय प्रजातन्त्र पार्टी (राप्रपा)मा प्रवेश गरेका छन्। शनिबार सम्पन्न राप्रपा दमक नगर समितिको एघारौँ नगर अधिवेशनको विशेष सत्रमा पार्टीका केन्द्रीय अध्यक्ष राजेन्द्र लिङ्देनले उनलाई आधिकारिक रूपमा पार्टी प्रवेश गराउँदै स्वागत गरेका हुन्।

कार्यक्रममा अध्यक्ष लिङ्देनले गौतमलाई पार्टीमा स्वागत गर्दै उनीजस्ता युवा, सचेत र सक्रिय व्यक्तित्वको आगमनले संगठन थप सबल र प्रभावकारी बन्ने विश्वास व्यक्त गरे। दमकस्थित पशुपति मन्दिरमा सम्पन्न कार्यक्रममा नगरका विभिन्न वडाबाट आएका पार्टी कार्यकर्ता, समर्थक र आम जनताले गौतमको पार्टी प्रवेशलाई स्वागत गरेका थिए। कार्यक्रममा राप्रपाका केन्द्रीय, प्रदेश र स्थानीय तहका पदाधिकारीको पनि उपस्थिति थियो।

सुजन गौतम विगत ४ वर्षदेखि पत्रकारितामा सक्रिय रहँदै आएका छन्। उनले विभिन्न राष्ट्रिय तथा स्थानीय सञ्चार माध्यमहरूमा काम गर्दै दमकसहित आसपासका क्षेत्रमा सामाजिक, राजनीतिक, आर्थिक र सांस्कृतिक मुद्दाहरूमा कलम चलाउँदै आएका छन्। प्रेस चौतारी नेपाल झापाका सदस्यको रूपमा समेत उनी सञ्चारकर्मीको हकहित र पेशागत अधिकारका सवालमा निरन्तर सक्रिय रहँदै आएका छन्।

पार्टी प्रवेशपछि संक्षिप्त प्रतिक्रिया दिँदै गौतमले राप्रपाको नीति, दृष्टिकोण र नेतृत्वप्रति आफ्नो आस्था रहेको बताए। साथै, उनले लोकतान्त्रिक मूल्य–मान्यताको संरक्षण, राष्ट्रिय स्वाधीनता र स्थानीय विकासका सवालमा आफू निरन्तर सक्रिय रहने प्रतिबद्धता व्यक्त गरे।

साउन २४, दमक / रातको लगभग ८ बजेको समय, दमक–पशुआट डाँडाको सडकमा असाध्यै भीड छैन। छिटपुट मोटरसाइकल, अटो र सिटी सफारी गुडिरहेका छन्। तर यो शान्त देखिने सडकमा त्यतिबेला केही फरक दृश्य थियो — ट्राफिक प्रहरी कार्यालय दमक र इलाका प्रहरी कार्यालयका जवानहरू हातमा मापसे परीक्षण उपकरण लिएर सवारी साधन रोक्दै थिए।

दमकमा रातको समयमा चल्ने सिटी सफारीका बारेमा स्थानीय बासिन्दाबाट गुनासो बढ्दै गएको छ ।खासगरी भाडा धेरै, चालक मादक पदार्थ सेवन गरेर सवारी चलाउँने जस्ता गुनासोको जवाफस्वरूप प्रहरीले विशेष मापसे चेकजाँच अभियान थालेको हो।

चेकजाँचका क्रममा, एक सिटी सफारी रोकेर गरिएको परिक्षणमा मापसे देखिएको परिक्षणमा खटिएको ट्राफिक प्रहरीले जनाएको छ ।
अभियानमा मोटरसाइकल, अटो, कार र सिटी सफारी सबैलाई परीक्षण गरिएको थियो। केही चालकमा सामान्य मापसे देखिएपनी सिटी सफारी चालकमा भ्ने उच्च स्तरको मादक पदार्थ सेवन देखिएको प्रहरीले जनाएको छ ।

प्रहरीका अनुसार, मापसे गरेर सवारी चलाउनेले आफ्नो मात्र होइन, यात्रु र सडकमा हिँड्ने सबैको जीवन जोखिममा पार्छन्। यही कारण, यातायात सुरक्षा सुनिश्चित गर्न यस्तो अभियान निरन्तर चलाइने छ।

दमक साउन २४/ राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनले राप्रपा भ्रष्टाचारविरुद्ध दृढ रहेको दाबी गर्नुभएको छ। उहाँले हालसम्म पार्टीमाथि कसैले पनि भ्रष्टाचारको आरोप लगाउन नसकेको स्पष्ट पार्दै, सुशासन र जनताको पक्षमा राप्रपा सधैं सक्रिय रहने बताउनुभयो।

शनिबार दमक नगरपालिका–६ स्थित पशुपति मन्दिर सभाहलमा सम्पन्न राप्रपा दमक नगर समितिको एघारौँ नगर अधिवेशनलाई सम्बोधन गर्दै अध्यक्ष लिङदेनले केपी शर्मा ओली नेतृत्वको सरकारलाई भ्रष्टाचार र जनताको शोषणमा संलग्न भएको आरोप लगाउनुभयो। उहाँले आगामी चुनावमा राप्रपाले उच्च मत प्राप्त गर्ने र आमूल परिवर्तन ल्याउने वातावरण तयार भएको दाबी गर्दै दमकमा नयाँ नेतृत्व र ऊर्जा सृजना भएको घोषणा गर्नुभयो।

अधिवेशनले हेम सुवेदीको अध्यक्षतामा २१ सदस्यीय नगर समिति गठन गरेको छ। कार्यक्रममा पार्टीमा योगदान पु¥याएका १०२ अग्रजलाई सम्मान गरिएको थियो भने ११७ जना नयाँ सदस्यले पार्टी प्रवेश गरेका थिए।

कार्यक्रममा राप्रपा कोशी प्रदेश अध्यक्ष रामकुमार थापा, प्रदेश सचिबद्धय बाशुदेब भट्टराई,कुमार भट्टराई केन्द्रिय सदस्य एवं पर्यवेक्षक ईनु अधिकारी, केन्द्रिय सदस्य लक्ष्मीप्रसाद संग्रौला, प्रदेश संगठन विभाग प्रमुख जयबहादुर श्रेष्ठ, युवक संगठन केन्द्रिय सदस्य बिक्रम सुब्बा हरी तिवारी,झापा जिल्ला अध्यक्ष केशवप्रसाद ओझा,सचिब कुमार थापा,प्रदेश सदस्य राजु खड्का कुमार बस्नेत, राष्ट्रिय प्रजातान्त्रिक युवक संगठन कोशी प्रदेश संयोजक राजकुमार योङ्या, झापा क्षेत्र नं ५ का अध्यक्ष भीम पौडेल, लगायतको उपस्थिति थियो।